2024-03-05
HomeEkintza PolitikoaEuskal HerriaLAB: «Herri honek ez du onartuko gure gazteak, gure oraina eta etorkizuna...

LAB: «Herri honek ez du onartuko gure gazteak, gure oraina eta etorkizuna gartzelaratzerik»

Auzitegi Gorenak Donostiako 8 gazte independentistei ezarritako zigorra gogor salatu eta mobilizaziorako deia egiten du LABek.

LAB sindikatuak gogor salatu nahi du Donostiako gazte auzipetuetako zortziren kontrako zigorra berresteko Espainiako Auzitegi Gorenak harturiko erabakia. Sententzia horren aurka gaur bertan hasita, datozen egunetan deituko diren mobilizazio guzti-guztietan parte hartzeko deia egiten diegu euskal langileei eta herritarrei, orohar.

Euskal Herrian, urte luzez iraun du euskal gaztediaren kontrako jazarpen estrategia ankerrak. Euskal Herrian, luzaz, behin eta berriro errepikatu izan dira gazteen aurkako sarekadak, inokomunikazioa, espetxeratzeak, zigorrak. Urte luzez, gure herriko gazteen kontra diktaduren manualak erabili ditu Espainiak, gazteen izenekin zerrenda beltzak osatuz eta gazteen artean terrorea zabalduz.

Herri honetan, urte luzez, lan politikoa egiten duenari kondenak ezarri zaizkio. Eta gaur, 2013ko apirilaren 8an, berriz ere bai, Espainiar Estatuan lan politikoa egiteagatik euskal gazteria espetxeratzen jarraitzen da. Gazteek herri honekiko duten konpromisoa eta militantzia bahitu nahi dute, lehen sostengaezinak ziren eta gaur are sostengaezinagoak diren argudioak eta erabakiak baliatuz.

Gaurkoaren moduko erabakiekin espainiar estatuak gaztedia independentista desaktibatzeko nahaiarekin jarraitzen du. Jakitun baita, gazteria izan dela, eta egun ere badela, herri honen motore garrantzitsua eta etorkizuna.

Erabaki horietan ez dago euskal gatazkaren konponbidea oztopatzeko ez den beste asmo eta helbururik. Donostiako gazte independentisten auzian, Espainiak, lehenik, eraginkortasun polizialaren irudia erakutsi nahi izan zuen, eta orain, eraginkortasun judizialaren irudia saldu nahi du.

Euskal Herrian bizi dugun aro berriaren aurrean Espainiar Estatuak, espainiar Gobernuak behar luke jada buru-belarri aritu garai berriak eskatzen dituen erantzun moldeak bilatzen eta jorratzen. Baina, halako eskaintza batetik urrun, oraingoz heldutasun demokratikoa ameskeria hutsa baitu, errezeta zaharretan tematuta jarraitzen du. Bake prozesuari, gatazkaren konponbide demokratikoari berriro galga, berriro oztopoa jarriz, erantzun bakar gisa.

Espainiar Gobernuari exijitzen diogu, euskal gaztediaren kontrako biolentzia eten, eta has dadila behingoz, garai berriek eskatzen duten moduan erantzuten. Herri honetan gatazkaren konponbide demokratikoaren aldeko aldarria gero eta ozenagoa da. Herri honek ez du onartuko bere oraina eta etorkizuna gartzelaratzerik.  

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.