2026-11-18
HomeEkintza PolitikoaEuskal HerriaKontzentrazio jendetsua Moyua plazan Martxoaren 3ko arratsaldean

Kontzentrazio jendetsua Moyua plazan Martxoaren 3ko arratsaldean

Barne Sailaren erabakiaren aurrean, zeinak ibilbidea aldatzen zuen eta bete ezinezkoak ziren baldintza batzuk zehazten zituen, Guneko sindikatu eta gizarte eragileen bizkar gainean utziz sor litezkeen istiluak; Guneak atzo arratsalderako deituta zegoen mobilizazioa bertan behera uzteko erabakia hartu zuen (manifestazioa Euskadi plazatik Arriagara).

Guggenheimean egindako Goi-Bilera Ekonomikoaren aurrean herritarrek euren haserrea adierazi ahal izateko espazio mobilizatzaile bat sortzeko beharraren aurrean, Guneko zenbait eragilek deialdi alternatiboa egin zuten 19:00etarako Bilboko Moyua plazan. Deitzaileak LAB, ESK, CNT, CGT, STEE/EILAS, Mujeres del Mundo, AHT Gelditu Elkarlana, Erandioko Langabetuen Asanblada, SOS Arrazakeria eta Mugarik gabe izan ziren, eta beste eragile batzuk batu ziren bertara.

Kontzentrazioan, Moyua plaza bete zuten ehundaka pertsonek parte hartu zuten Troika eta bere politiken kontrako protestekin jarraitzeko. Amaieran, komunikatu bat irakurri zuten deitzaileek.
 

 

 

AZKEN ALBISTEAK | ÚLTIMAS NOTICIAS

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.