2024-06-25
HomeIndustriaMetalgintzaKayaba multinazionalari galdegin diogu hitz egitera esertzeko KSS Orkoiengo egoerari irtenbide emate...

Kayaba multinazionalari galdegin diogu hitz egitera esertzeko KSS Orkoiengo egoerari irtenbide emate aldera

KSS Orkoiengo lantegian kaleratze erregulazio espedientearen berri eman zuen Kayaba multinazionalak, ostiralean. Espediente horren xedea da Orkoienen dagoen lantegiko 101 langile kaleratzea.

Albiste gogor zein injustu horrek, berriz ere, plantilla oso bat borrokaren bidez bere lanpostuen defentsa egitera behartzen du; lanpostuen defentsa eta baita lantegiaren etorkizunaren defentsa ere.

Beste behin ere multinazional baten erabakiek ekoizten zuen produktu nagusiari alternatibarik ez ekartzea suposatu dute. Orain dela hamarkada bat produktu hori zaharkitua geratuko zela denek zekitenean. Beraz, Kayaba da egoeraren erantzule eta arduradun bakarra, eta langile bat bakarra ere ez daiteke kaleratua izan multinazionalak eta bere kudeatzaileek hartutako erabaki txarrengatik.

Horregatik LABetik multinazionalari eskatzen diogu langile guztiei lana emango dien lan zama nahikoa bermatzea.
Beraz, LABetik multinazionalari azken aldiz eser dadin galdegiten diogu, irtenbideez hitz egiteko eta LABek uztailean proposatutako KSS Orkoien + Kybse Ororbia fusioaren norabidean hitz egiteko; etorkizunaz hitz egiteko, eta ez sekula iristen ez diren planez; pertsonez hitz egiteko, eta ez zenbakiez.
KSS Orkoienen kaleratze bakar bat ematen bada, Kybse Ororbiatik erantzuna ematea proposatuko dugu, multinazionalak erakutsiko bailuke ez dela fidatzeko modukoa eta ez duela egoerari irtenbide bat emateko borondaterik.

 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.