Gaur argitaratu diren SEPE Espainiako Enplegu Zerbitzu Publikoaren datuen arabera, 156.152 langabetu zeuden Hego Euskal Herrian irailean. Langabeziak 118 pertsonetan egin du behera abuztuarekin alderatuz. Nafarroan 451 langabetu gehiago egon den artean, 569 pertsonetan jaitsi da langabezia EAEn. Emakumeak dira gehienak, 90.675, langabetu guztien %58.

Irailean udako kontratu asko amaitu ohi da. Sektoreen arabera aztertzen badugu, zerbitzu sektoretik zetozen langileen artean soilik egin zuen gora langabeziak (28.945) eta baita aurretiko lanik ez zutenen artean ere (9.745).

Kontratazioari dagokionez, 1.952.397 izan ziren irailean sinatutako kontratuak, eta hauen %88a aldi baterakoak. Hau da enpleguaren ahultasuna erakusten duen adierazle nagusietako bat, sinatutako kontratuen aldibaterakotasun eta desegonkortasun handia.

Enpleguaren kalitatearen arazoak larria izaten jarraitzen du, enplegu prekarioa eta gaizki ordaindutakoaren gorakadaren aurrean baikaude.

Prekarietateari aurre egiteko politika eraginkorrak eskatu dizkie LABek administrazioei, lan-baldintza duinak ezinbestekoak direlako langileontzako lan eta bizi duinak bermatzeko.