2024-03-04
HomeLAB SindikatuaIpar HegoaJesús Pastor García Brigos, pentsalari eta militante kubatarra, Bilbon izango da ekainaren...

Jesús Pastor García Brigos, pentsalari eta militante kubatarra, Bilbon izango da ekainaren 16 eta 17an

Jesús Pastor García Brigos, pentsalari eta militante kubatarra, Euskal Herrian da Ipar Hegoa Fundazioren gonbidapenari erantzunez. Iruñean pasadan ekainaren 10ean eskainitako hitzaldiaren ostean, datorren 16 eta 17an Bilbon ikusi eta entzuteko aukera izango dugu.

Ekainaren 16an “La transformación socialista en Cuba y el socialismo como sistema: Cuba-Rusia-Europa del Este” gaia izango du hizpide eta 17an “El papel de la Conciencia Nacional en la Historia de Cuba. Momentos clave en la Cuba socialista”.

Hitzaldiak
“La transformación socialista en Cuba y el socialismo como sistema: Cuba-Rusia-Europa del Este”

Ekainak 16, astelehena
18:30etan
Esperientzien Aretoa (Zazpi kaleetan – Banco de España)
BILBO

“El papel de la Conciencia Nacional en la Historia de Cuba. Momentos clave en la Cuba socialista”
Ekainak 17, asteartea
18:30etan
San franzizko auzoko Kultur Etxean
BILBO

Antolatzaileak: Ipar Hegoa Fundazioa GITE – IPES

Jesús Pastor García Brigos (Kuba, 1951)
Pentsalari eta militante kubatarra. Fisika ikasketekin hasi eta filosofian doktoretzen da SESBen 1986an eta 1982tik da Filosofia Institutoan ikertzaile titular. Garaian Kuban zabaltzen den “Akats eta Joera negatiboen Zuzenketa Prozesuaren” baitan murgiltzen da, batez ere, esfera ekonomiko eta politikoen arteko harremanean, kubatar Estatua eta demokrazian eta gobernua eta herritarren partehartzean sakontzeko.

Azken hamarkadan, kubatar Estatuaren zuzendaritza prozesua aztertzeko programa nazional bat zuzendu du, Kubako Alderdi Komunistak ustelkeria aztertzeko deitutako lan-taldeko kide izan da eta 2007tik hona, espezialista talde bat zuzentzen du jabetza sozialista aztertzeko. Era berean, Kubako Langile Zentralaren Aholkularitza Batzorde Zientifikoko kide da, Informatika Zientzietan irakasle, eta “La Obra de Carlos Marx y los desafíos del Siglo XXI” Nazioarteko Konferientzietako koordinatzaile akademikoa da, besteak beste.

Bere ekarpen teorikoarekin bat, Jesus Pastorrek aktibismo politiko handia egin izan du. UJCn urte askotan, ardura ezberdinetan, buruzagi sindikal ondoren, ordezkari hautatu zuten estatu batzorde desberdinetan, gaur arte ia etenik gabe bere lanarekin uztartu duen ardura.

Jesusen lana, praktikaren garrantziaren testigu garbia da, ekinbide teorikoarekin duen lotura estuaren testigu, zeinak azken egiaztapen iturri eta irizpideak eguneroko jarduera eraldatzailean dituen. Hain zuzen ere, hauxe izan da kubatar esperientzia iraultzailearen garapenean oinarrizko zimendu.

 

 

AZKEN ALBISTEAK | ÚLTIMAS NOTICIAS

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.

Ertzaintzak Gasteizko Martxoaren 3ko manifestazioan egindako karga bortitza salatzen dugu

LAB, ELA, ESK eta STEILAS sindikatuok eta Martxoak 3 elkarteak salatu nahi dugu ERTZAINTZAk karga polizial bortitz ikaragarria egin duela, zauritu asko utziz eta hainbait persona atxilotu dituela, gutxienez 3, ditugun datuen arabera. Manifestazioan, urtero bezala, adin guztietako milaka eta milaka pertsonak zeharkatu dituzte Gasteizko kaleak, duela 48 urte Espainiako Poliziak egindako sarraskia gogoratuz, Egia, Justizia eta Erreparazioa exijituz, eta pertsona guztientzako etorkizun justua aldarrikatuz.

Erakunde publikoen inplikazio aktiboa funtsezkoa da Mecanerrek etorkizuna izan dezan

Atzo, ehunka pertsonek manifestazioa egin zuten Urdulizen, Stellantisek Mecaner ixteko asmoa erakutsi eta 6 hilabetetara. Bide latza izaten ari da. Bidean topatutako oztopo eta erresistentziek zaildu egiten baitute agertoki berriak zabaltzea.