Zoritxarrez ez da Euskal Herriko ikastetxe batean horrelako zerbait gertatzen den lehenengoa aldia. Gaur Bilboko ikastetxe bati tokatu zaio baina astero Euskal Herriko edozein ikastetxetako langileen aurka ematen dira erasoak; irainak, mehatxuak, autoak kaltetzea…
Hezkuntza Sailak ostrukarena egiten duen bitartean erasoak gero eta gehiago ematen ari dira zentruetan. Gaur egun ikastetxeetan ez dago erregistro orri bat horrelako gertakariak jasotzeko. Komisaldegietara heltzen diren salaketak soilik hartzen al dira erasotzat? Zer gertatzen da beste eraso guztiekin? Eta zein neurri hartzen da hauek ekiditeko?
Hezkuntza Sailarentzat erasoak ez dira gertatzen. Aipatzen ez dena ez da existitzen eta murrizketen kudeaketa da orokorrean Hezkuntza Sailaren politika, eta zehatzago erasoen kasuetan.
Hori dela eta, LABek eraso kasuetarako erregistro berezi bat sortzea eskatzen dio Hezkuntza Sailari. Honetaz gain, gertaeraren ikerketa bat berehala zabaltzea etorkizunean prebentzio neurriak jartzea, hezkuntzako langileentzat prebentzio protokolo bat garatzea, erasoen kontrako formakuntza plan bat diseinatzea eta behar bereziak dituzten ikastetxeetan baliabide gehiago jartzea ere exijitzen dugu.