2025-02-11
HomeErrepresioaIñigo Cabacas gogoan

Iñigo Cabacas gogoan

Bi urte bete dira gaur Iñigo Cabacas hil zenetik eta oraindik ez da justizia egin. Hau salatzeko, Bilboko sindikatuok (LAB, ESK, STEE-EILAS, CGT eta Bilboko CNT) Giza katea egin dute "Iñigo Cabacas gogoan, JUSTIZIA!" lelopean. Giza kateak PSOEko egoitza eta Sabin Etxea lotu ditu.

Apiralen bostean, pasa den larunbatean duela bi urte, pilotakada baten bidez Ertzaintzak zauritu zuen Iñigo, tiro baten bidez hil zuten Iñigo. Lau egun ondoren, Basurton Iñigo joan zen. Iñigo Cabacas Liceranzu hil zela Ertzaintzaren bortizkeriaren ondorioz, eta horren arduradunek, zuzenak zein politikoak, ez dute zigorrik jaso.

Ertzaintzaren barneko “ikerketak” ez du argibiderik eman gertatutakoaz, aitzitik, nahasketa sortu besterik ez dute egin batzutan, eta tokian bertan edo agindu ardurabakoak ematen ertzainetxetik lekuko izan edota parte hartu zuten ertzainen laguntza eza nabaria izan da arduradunak identifikatzeko orduan. Horretaz gain, gertaera lazgarri honetan ardura izan dezaketeen ertzain edota kargu politikoekin ez dira badaezpadako neurririk hartu eta kasu batzutan promozionatu ere egin dute. Horri epaiketa prozesu luzatzen dela gehitzen badiozu, ulergarria da Iñigoren guraso, senide eta lagunen artean zabaltzen ari den mina, haserrea eta frustazioa.

Iñigo langile bat zen, BBVAn egin zuen lan hil zenean, eta gaur langikideak gurekin daude. Bere familia, familia langile bat da, eta gure elkartasun eta laguntasun beroena eman nahi diogu.

JUSTIZIA eskatzen dugu, justizia ertzaintza edo bestelako polizien gehigekeriak zigorgabe gera ez daitezen, eta holako tragediarik berriro gerta ez dadin.

 

 

 .

AZKEN ALBISTEAK | ÚLTIMAS NOTICIAS

Bizkaiko eraikuntzako patronalak ez du sektoreko langileen lan-baldintzak hobetzeko inolako asmorik

Gaur, 2025eko otsailaren 10ean, Bizkaiko Eraikuntzaren Sektoreko Hitzarmen Kolektiboa berritzeko 4. negoziazio mahaia izan da.

Lortu dugu! 16 urteren ondoren Haurreskolak Partzuergo Publikoko lan hitzarmena sinatu du LABek

Beste behin borrokak merezi duela baieztatu dugu. Azken urteetan hamaika greba eta mobilizazio burutu ostean, azken biak pasa den urtarrilean eta eskola publikoko greba ziklo honen otsaileko bi greba egunen atarian, Eusko Jaurlaritza posturaz aldatzera behartu dugu.

LABen iritziz urgentea da etxeko langileentzako hitzarmena

LABeko etxeko langileen atal sindikalak, Bizkaiko, Gipuzkoako eta Nafarroako etxeko enpleguarekin lotutako kolektibo eta erakundeekin batera, kaleak hartu ditu berriro ere sektore horretako lan-baldintza jasanezinak salatzen jarraitzeko eta langile horientzako eskubideak aitortzeaz arduratu beharko luketen erakundeen interes falta salatzeko. Hala, mobilizazioa egin du gaur Bilbon, Justizia Jauregiaren aurrean. Bihar asteartea, Donostian mobilizatuko da, Lan Ikuskaritzaren aurrean, eta asteazkenean Iruñean beste horrenbeste egingo du, Udaletxe plazan.