2024-04-16
HomeEkintza PolitikoaEuskal HerriaIndarrak bildu,Eskubide Zibil eta Politikoak orain

Indarrak bildu,Eskubide Zibil eta Politikoak orain


Euskal Presoen eskubideen defentsa indartuko du LABek enpresetan

Eskubide zibil eta politikoen aldeko kanpaina martxan du LAB sindikatuak; horren baitan, euskal preso politikoen eskubideen alde enpresetan abiaraziko den ekimenaren berri eman du sindikatuak Donostian, prentsaurrean. Urtarrilaren 8an Bilboko manifestazioan egindako aldarrikapen eta hausnarketei segida emanez, hainbat enpresatako ordezkarirekin partekatua izan den gogoetaren ondotik dator ekimena.

Euskal Herrian zabaldu den garai berriaren aurrean, aldaketa politikoaren bidean, gutxiengo demokratikoek aldeko lanketan langileek parte aktibo izan behar dutela defendatzen du sindikatuak. Horretarako hainbat ekimen jarriko dira martxan, tartean, aipatu bezala, presoen inguruko lanketa enpresetan zabaldu eta indartuko duena. "Euskal presoak lantokietara" lemapean, orain arteko dinamiketan sakondu eta konpromiso berriak bultzatuko ditu LABek, herriz herri, lantokiz lantoki, Euskal Preso Politikoen Kolektiboari aplikatzen zaion espetxe politikaren erabateko aldaketa exijituz, besteak beste.

Helburua bikoitza da: batetik, egun euskal presoen bizi duten egoeraren gaineko salaketa enpresetara eraman eta konpromisoak bultzatzea, eta bestetik, herrietan (azken ostiralak) antolatzen diren ekimenetan nahiz LABek propioki bultzatutakoetan langileen parte hartzea indartzea.

Oraingoz ia 100 enpresetako sail sindikalek bat egin dute ekimenarekin, baina lanketa hasi besterik ez da egin, ahalik eta enpresa gehien batzea baita asmoa.

AZKEN ALBISTEAK | ÚLTIMAS NOTICIAS

Mobilizazioekin hasi gara Aulasa enpresan, hitzarmen duin baten alde

Oletako metalgintza lantegiko beharginek duela ia urte erdi abiatu zituzten negoziazioak erabat blokeatuta dauzka enpresak.

Correos kondenatu dute langile bati kalte moralak egiteagatik #LortuDugu

Gasteizko Lan Arloko 3. zenbakiko Epaitegiak 1.500 euro ordaintzera kondenatu du Sociedad Estatal Correos y Telégrafos SA. Lehen aldiz kondenatu dute enpresa hau kalte moralengatik, langile bati ospitaleratzerik gabeko ebakuntza kirurgikoagatiko baimena ukatzeagatik.

Gautenaren Urdinduz Martxa Solidarioarekin bat egin genuen atzo, hitzarmen duinaren garrantzia nabarmenduz

Apirilaren 14an, Gautenako komunitateak Autismoaren Espektroaren Nahasmendua (TEA) kontzientziatzeko eta ikusarazteko martxa solidarioa egin zuen, Urdinduz. Jai giroan, Gautenako langileen batzordeak bat egin zuen ekimen horrekin.