2024-05-23
HomeEkintza SindikalaIDEko langileek soldaten izoztearen aurka greba egingo dute bihar

IDEko langileek soldaten izoztearen aurka greba egingo dute bihar

EAEn lantokiak dituzten Accenture taldeko hainbat enpresatako langileak jasaten ari diren bidegabekeria salatzeko mobilizatzen hasi dira IDEko (Informática de Euskadi) beharginak, eta bihar, hilak 14, greba eguna izango dute.

Accenture multinazional amerikarrak, jabeak, taldeko enpresa guztien soldatak izoztea erabaki du, gaur egungo errealitate ekonomiko eta soziala kontuan hartu gabe.

Hartutako erabaki honek, Tecnilogika eta Informatica de Euskadi bezalako enpresei eragiten die, gure herrialdearen garapen teknologikorako eta berrikuntzarako funtsezko lana egiten duten enpresei.

Enpresa-batzordeak osatzen ditugun sindikatuok saiatu gara Accenturerekin negoziatzen, plantilletako soldata gordinen benetako igoera bermatzeko, eta hori, jakina, bizitzaren kostua eta erosteko ahalmenaren igoerak kontutan hartuta.

Accenturen lortutako onurak garrantzitsuak izan dira, baina uko egin dio elkarrizketari eta ateak itxi dizkio negoziazioari. Bere irizpidea ezarri du, etika falta eta taldea osatzen dugun langileenganako errespetu falta erakutsiz.

Ezin dugu onartu egoera hau, gure lan-eskubideak atzeratzea eta bizi-kalitatea galtzea erkatzen dituelako. Horregatik, Accentureri negoziatzea eskatzen diogu eta aldi berean mobilizatzea erabaki dugu, langileei eragiten dieten neurri hauek babesteko.

Greba hau, gure erosteko ahalmena eta soldata duinak berreskuratzeko geratzen zaigun tresna bakarra da.

Accenturen egoitzaren aurrean (Iberdrolako dorrean) elkarretaratzea egin ostean, aste honetako mobilizazio egunik garrantzitsuena biharkoa izango da, abenduak 14. Egun osoko GREBA bat egingo dugu, eta 11:00etan manifestazioan abiatuko gara Plaza Biribiletik, eta bezero ditugun enpresa gehienetatik pasatuko gara (El Corte Inglés, BBVA, Kutxabank, Sabadell, La Caixa, Iberdrola…).

Halaber, gizarte eta ekonomia sektore guztien elkartasunerako deia egin nahi dugu, gure borroka babestu, lan-duintasuna eta gizarte-justizia babes ditzaten.

Ez dugu onartuko Accenturek zenbaki gisa tratatzea eta gure soldata eta etorkizuna lapurtzea.

Esteka honetan entzun daiteke LABen IDEko sail sindikalak eginiko podcasta, greba eta mobilizazio hauen zergatia azaltzen duena: https://open.spotify.com/show/59miaqOJSrHpLtGQfGK2ky

AZKEN ALBISTEAK | ĂšLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.