2024-03-02
HomeEtxe kaleratzeakHerritarron etxebizitza eskubidea bermatzeko fitsik egin gabe jarraitzen dute Gasteizko eta Iruñeako...

Herritarron etxebizitza eskubidea bermatzeko fitsik egin gabe jarraitzen dute Gasteizko eta Iruñeako Gobernuek

Egunero Euskal Herrian etxe kaleratzeak gertatzen ari dira. Gure herrian etxebizitza duina izateko eskubidea ez da betetzen. Eta horren aurrean, Gasteiz, Iruñea eta Madrilgo Gobernuek ez dute fitsik ere egiten, kontrakoa, indarrez etxegabeturik milaka lagun betiko pobreziara kondenatzen dituzte.

LAB sindikatuak salatu egiten ditu:

1.) PNVren jokabidea. PP eta UPDrekin batera, duela gutxi uko egin diote banketxeei aurre egiteari Gasteizko Parlamentuan, etxe kaleratzeak bertan behera utzi eta alternatiba justuak aurki ditzaten inor etxerik gabe ez geratzeko.

2.) Nafarroako Gobernuaren neurri zekenak. Berriki 35 alokairu sozialeko etxebizitza baino ez ditu eskura jarri egoera larrienak aldi baterako laguntzeko, banketxeei inongo ardurarik eskatu gabe. Ez da harritzekoa holaxeko mixeria, kontuan hartzen badugu Barcinak bere aurrezkiak erabiltzen dituela aktibo inmobiliarioetan, ehundaka lagun borrokatu behar dutenean egunero kale gorrian ez geratzeko.

3.) PPren Gobernuaren politika. PSOEk bere garaian egin zuen antzera, erabat makurtuta dago botere finantzieroen aurrean. Deus ere egin ez dutenak banketxeek egindako langileen etxebizitzen lapurketa geldiarazteko, orain Espainiako Kongresuan ixilarazi nahi dute milaka eta milaka lagunen oihua etxe kaleratzeen moratoria eta alokairu sozialen aldeko politika eskatzeko.

LAB sindikatuak dei egiten du mobilizazioaren alde, gure herri eta auzoak etxegabetzerik gabeko lurraldeak izan daitezen, banketxeei eta instituzioei politika antisozialak aldatu eta alokairu sozialaren alde egin dezaten presioaren bidez.  

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. Garbiñe Aranburu koordinatzaile orokorrak adierazi du 1976 hartan jaio berria zela sindikatua: “Hasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen du”.

Natra Oñatin aurreakordioa #LortuDugu

Natra Oñatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.