Gaur, martxoak 11, lan istripu hilgarri baten berri izan dugu, Zumaiako Mendiaraiz enpresan, 41 urteko emakume langile bat hil baita lan istripu ez traumatiko batean. Lehenik eta behin, LAB sindikatutik, senide, inguruko eta lankidei gure elkartasuna eta babesa helarazi nahi diegu. Urtea hasi denetik, gutxienez, 9 langile hil dira lan istripuz, hauetatik 4 istripu ez traumatikoak izan dira. Azken urteotan lan istripu ez traumatikoen igoera ikaragarria ikusten ari gara, dagoeneko istripu ez traumatikoak, bihotzekoak eta iktusak, bilakatu dira heriotz lan istripuen lehendabiziko faktoreak.
Lan istripu guztien atzean lan baldintzak eta lanaren ezaugarriak daude. Erritmo azkarrak, presioak, lan zamak… gaixotasun ezberdinak sortaratzen dituzte eta hainbatetan heriotzara eramaten gaituzte.
LABen argi dugu bizi eta lan duinak behar ditugula, lanetik onik eta bizirik bueltatzeko eskubidea dugulako. Sarraski honekin bukatzeko bide bakarra borroka eta antolakuntza dira. Eredu berri bat gauzatu behar dugu, patronalaren interes ekonomikoaren gainetik, langileon bizitza eta osasuna lehenetsiko duena. Eredu berri honen alde borrokatzeko deia egiten diogu langile klaseari.