Sektoreko bi patronalek, Adegi eta Garen, euren ordezkaritza aurkezteko asmoz abiatutako bitartekaritza lanak porrot egin eta gero, azkenean soilik Adegik aurkeztu ditu bere ordezkaritzaren datuak. Hauen arabera, Adegik enpresen %22,69 ordezkatzen du eta hauek sektoreko langileen %57ri lana ematen diote. Beraz, Adegik enpresarien %57ko ordezkaritza dauka.

Aldiz,Garenekezduinolakodaturikaurkeztu.Halaere, Garenek22enpresaordezkatzendituelajakinarazi du, nahiz eta ez duen bere ordezkaritza frogatu. LABek bere ordezkaritza maila egiaztatzeko eskatzen dio grafikagintzako negoziaketa mahaian parte hartzeko.

Sindikatuen aldetik, LABek sektoreko % 54,55 dauka, ELAk %40,91 eta UGTk % 4,55.

Behin negoziazio mahaia eratuta, bada ordua edukiaz hitz egiteko eta negoziaziori ekiteko. LABek baikor eta anbizioz ekiten dio negoziazio honi eta, gehiengo osoa eduki arren, sektoreko ahalik eta babes zabalena duen plataforma aurkeztea dugu helburu eta, horretarako, gainerako sindikatuekin akordioa bilatuko dugu.