2026-11-16
HomeLAB SindikatuaIgor UrrutikoetxeaHarrera beroa Igor Urrutikoetxeari Lezamako plazan

Harrera beroa Igor Urrutikoetxeari Lezamako plazan

Abenduaren 6ko iluntzean egin zitzaion lehen harrera Igor Urrutikoetxearen gorpuari Lezamako Udaletxeko plazan. Ehundaka burkide eta herritarrek hartu zuten parte ekitaldian.

Bertsolariak hautsi zuen isiltasuna, eta ondoren, sindikatuko kide eta Urrutikoetxearen herrikideek eraman zuten hilkutxa, LABeko bandera eta ikurriñez osatutako pasabide batean zehar, udaletxe azpian jarrita zegoen plataformaraino. Dantzariek agurra eskaini eta bertaratutakoek “Loretxoa” kantatu zuten, biolinaren laguntzaz. Ondoren, Lezamako auzotar batek eta Alberto Cristobal LABeko kideak hitza hartu eta Urrutikoetxearen ibilbidea eta borrokarako konpromisoa laburbildu zituzten.

“Eusko gudariak” eta “Internazionala” kantatuta amaitu zen harrera. Ondoren, gorpua tanatoriora eraman zuten eta bertan erraustu.

Igor… pertsona aparta benetan!
Lehen harreran Alberto Cristobalek LABen izenean Igor Urrutikoetxea gure kideari eskainitako hitzak.

Omenaldia urtarrilaren 18an Lezaman

Igorri merezi duen omenaldia urtarrilaren 18an, larunbata, bere jaioterrian, Lezaman, egingo zaio.

Rafa Diez: «Agur lagun!»
Rafa Diez Usabiagak El Duesoko espetxetik Igorri idatzitako gutuna.

Elkartasun mezuak
Munduko txoko guztietatik ehundaka elkartasun mezu iristen ari dira. 

LABek  jasotako elkartasuna eskertu nahi du
Planetako txoko guztietatik jasotzen ari garen elkartasuna eskertu nahi dugu, bereziki, FSM, CTB sindikatu brasildar eta PCdoB Brasilgo alderdi komunistako kideek azken hilabete honetan zehar emandako babesa eta laguntza. Gure lagun eta burkideak 38 urte zituela utzi gaitu, baina bere lanak, engaiamenduak eta borrokak bizirik diraute.

Igor Urrutikoetxea Bilbao
Bizitza laburra, baina zure bihotza bezain zabala. Burkide bikaina, lagun aparta. Bidaiari nekaezin hori, alde egin diguzu bete ezineko hutsunea lagata.

 

LAB sarean
{module[111]}


AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua