Lab denuncia un estancamiento en el proceso de cambio en Nafarroa (AHOTSA.INFO)
LABek gaur delegatu batzarra egin du. Bertan Ainhoa Etxaide eta Igor Arroyok parte hartu dute. Batzarra bukatutakoan, Nafar Gobernuari, bere egoitzan bukatu duen mobilizazioan, Nafarroak behar duen aldaketa soziala bultzatzeko premiazko hamar neurri abian jartzeko eskatu zaio.
Nafarroako aldaketa prozesua suspertzeko premiazko neurrien Dekalogoa
Legegintzaldiko lehen urtearen balorazioa egin ostean, eta UPNren politikak aldatzeko denbora behar dela onartuta ere, Nafarroako aldaketa prozesua ez aurrera ez atzera dago LABen ustez.
Demokratizazioan aurrera egin da, baina politika ekonomiko eta laboralean lehengo lepotik burua eta Administrazioa ez aurrera ez atzera. Bigarren urte honetan zirt edo zart egin beharra dago. LABen ustez, honako hamar neurri hauek behintzat premiazkoak dira.
Demokratizazioa
1 Nafar enpresa orotan diskriminazioarekin amaitu. Aukera berdintasuna kontratazioan. Askatasun Sindikalen Behatokia sortu, Akordio Programatikoan ezarri bezala.
2 Lanean nahiz lanetik kanpo nafar ororen hizkuntza eskubideak aitortu eta bermatuko dituen Euskararen Lege Berria.
Politika ekonomikoa
3 Kapitalaren errentei Lanaren errentek dituzten zerga berak ezartzea. Elkarteen Zerga nabarmen igo. Iruzur fiskalaren kontra borrokatzeko baliabideak gehitu. Zorraren auditoria.
4 Ris3 delakoan finkatutako Europar Batzordeko irizpideetatik harago, Nafarroako garapen ereduaren inguruko eztabaida soziala ireki.
Lan harremanak
5 Elkarrizketa Sozialaren Kontseilua bertan behera utzi eta lan harremanetarako esparru propioa ezarri.
6 Langileen osasuna aintzat hartuko duen kalitateko enplegua: lan istripuen hazkundea gerarazi (9 hildako Nafarroan urte honetan) eta lan osasuna publificatu; asteko 35 orduen eta hileko 1200 euroko gutxieneko soldaterantz urratsak eman; igande eta jai egunetan, 0 irekiera.
Politika sozialak
7 Gizarte Segurantzako eskumenak aldarrikatu eta 1080 euroko gutxieneko pentsioa ezarri.
Zerbitzu publikoak
8 Hezkuntzan, Osasunean eta Zerbitzu Sozialetan inbertsioa handitu, europar herrialdeetan inbertitzen den Barne Produktu Gordinaren portzentaira hurbiltzeko. Ratioen murrizketa, koberturaren zabalpena, zerbitzuaren hobekuntza.
9 Administrazioaren erreforma demokratikoa. Burutza kopuruaren murrizketa nabarmena. Administrazioko negoziazio kolektiboa desblokeatu.
10 Azken hamarkadetan pribatizatutako zerbitzuen publifikazio progresiboa. Azpikontratuta jarraitzen duten horien pliegoetan, klausula sozialen %100 ezarri.