Konecta BTOko langileek kezka sakona adierazi dute proposatu den EEE produktiboaren planteamenduaren aurrean, hasiera batean 585 kaleratze baitakartza. Garrantzitsua da aipatzea arrazoi nagusia jatorri ekonomikoak direla. Hala, gaur bezala, hilaren 4an eta 9an ere lanuzteak egingo dituzte telefono bidezko arreta ematen duen enpresa honetako beharginek.
Gueñesko Konecta Bto lantaldearen gehiengoak (LAB eta CCOO) argi utzi du ez daudela ados EEE hau aplikatzearekin, eta berehala erretiratzeko eskatzen du.
Hori dela eta, lanuzte partzialak deitu dituguuztailaren 2, 4 eta 9rako, lan-eskubideen aldeko protesta eta defentsa neurri gisa. Ez dugu onartuko enplegu-erregulazioko espediente hau behar bezala eztabaidatu eta zalantzan jarri gabe aplikatzea.
Gueñesko Konecta Btoko langile guztien interesak eta ongizatea zaintzeko eta inplikatu guztientzako bidezko eta errespetuzko irtenbide bat aurkitzeko borrokan jarraitzeko konpromisoa berresten dugu. Sutsuki eskatzen dugu EEE produktiboaren planteamendua bertan behera uzteko, horren eraginpean dauden langile guztien mesedetan.
DEITURIKO LANUZTE PARTZIALAK:
10:30-12:30
18:30-20:30
00:30-2:30