2024-02-28
HomeNazioartea IdazkaritzaElkartasunaGreziako altzairu-fabrikako langilei elkartasuna adierazteko elkarretaratzea

Greziako altzairu-fabrikako langilei elkartasuna adierazteko elkarretaratzea

LAB sindikatuak elkarretaratzea egin du gaur greziar kontsulatu aurrean Grezian, Helleniki Halibourgia altzairu-fabrikan murrizketen eta kaleratzeen aurka greban dauden 400 langileei elkartasuna adierazteko.
Lantegiko enpresariek, malgutasunaren izenean, lanaldia 5 ordura eta soldata 500 eurora murriztu nahi diete eta gainera, kobratuko ez dituzten aparteko orduak egitera derrigortu, lan segurtasuna ere murrizten duten bitartean, istripuen kopurua handia izan arren. Eraso horren aurrean, langileek borroka hasi zuten eta grebari ekin zioten, eta ondorioz 50 langile kaleratu dituzte. Hala ere, borrokan jarraitzen dute eta 8 orduko lanaldia, soldatak ez murriztea eta kaleratutakoak onartzea exijitzen dute.

Greziako eta Europako langileen kontrako erasoa areagotzen ari den garai honetan, greziar altzairu fabrikako 400 grebalariak langile elkartasun eta duintasun eredua ditugu. Egoera horren aurrean, FSM Munduko Federazio Sindikaleko Europako Bulegoak eta TUI-Metal Metaleko Nazioarteko Batasun Sindikalak Europa mailako ekintza astea antolatu dute martxoaren 9 eta 14 bitartean greziar altzairu-lantegiko grebalariei elkartasuna adierazteko.

Euskal herri langileak ere martxoaren 29an greba orokorrera joko du, Espainiar Estatuko PPren gobernu ultraeskuindarrak onartutako azken neurri antisozialen kontra eta Lan Harremanen Euskal Esparrua (LHEE) exijitzeko.

LABen ustez, Greziako langileek eta euskal langileok aurrera daramatzagun borrokak enbor bereko adarrak dira.

Haien borroka geure borroka da.

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.