2024-03-05
HomeZerbitzu PribatuakBestelakoakGreba uztailaren 28an Bilboko Guggenheim Museoan

Greba uztailaren 28an Bilboko Guggenheim Museoan

Bilboko Guggenheim Museoan azpikontratatutako hezitzaile eta orientatzaile taldeak GREBA EGUNA burutuko dute uztailaren 28an jasaten dugun prekarietatea salatzeko.

Bilboko Guggenheim Museoan azpikontratatutako hezitzaile eta orientatzaile taldearen oharra

Bilboko Guggenheim Museoan azpikontratatutako hezitzaile eta orientatzaile taldeak GREBA EGUNA burutuko dugu uztailaren 28an jasaten dugun prekarietatea salatzeko

Guggenheim Museoan Manpower Group Solutions enpresarekin azpikontratatuak gauden hezitzaile, gida, areto orientatzaile eta hezitzaile laguntzaileok, publikoki salatu nahi dugu, orain dela urte asko jasaten ari garen prekarietatea eta ezegonkortasun laborala.

Bisitariekin arteari buruzko elkarrizketak ditugu aretoetan, bisita gidatuak egiten ditugu, tailer artistikoak edota arte udalekuak burutzen ditugu mota askotako talde eta pertsonekin. Hau da, museoko hezkuntza programen garapeneko aurpegia gara, artea pertsonengana helaraztearen helburua betearaziz.
Astelehenetik iganderako lanaldi aldakorrak ditugu (jaiegunak barne) urtarriletik abendura.

Goi mailako ikasketak ditugu eskatzen diren kalitate estandarrak eta bikaintasuna betetzeko (lizentziatura, hizkuntzak, masterra, esperientzia, disponibilitatea, balioaniztasuna eta etenik gabeko formakuntza)

Bilboko Guggenheim Museoko Giza Baliabideak eta Kalitate arloko arduradunaren hitzetan: “ Pertsonak zaintzea balio handikoa da, pertsonak enpresak ondo funtzionatzeko arrakastaren oinarria dira” “Aitzindariak gara pertsonak kudeatzeko moduan” eta “ errotazio gutxi dugu, eta hau arro egoteko balio bat da, lan egonkortasun handia mantentzen dugu eta hori ona da”.

Hala ere, gure kasuan, estandar kualitatiboak eta bikaintasunezkoak ez dira betetzen inondik inora.

− Gure lanpostua, lan baldintzak eta soldatak EZEGONKORRAK dira, SUBROGAZIOA ez delako kontratazioan bermatzen, eta urtero (bi urtetik behin zortearekin) enpresa merkeenak aukeratzen dira, lan kalitatean honek duen eragina kontutan izan gabe.
− Ez da inolako plusik aitortzen jaiegunetan edo gaueko lanean.
− Ez da dagokigun KATEGORIA PROFESIONALA aitortzen eta horregatik gure soldatak ikasketarik gabeko lan postuen soldaten ratioan mugitzen dira, oinarrizko soldata 5.35€ gordin orduko (gehi plusak eta prorratak) eta kasurik hoberenean 12.30€ gordin ordukoa da.
− Soldata minimo interprofesionaletik oso urrun dauden soldata aldakorrak kobratzen ditugu hilero. ‘Tarifa laua’ aplikatzen zaigu eta edozein zerbitzu egiten dugula ere, orduko kobratzen dugu baina ordu horiek ez daude bermatuak (ordu minimorik ez dago)
− Erakusketa bakoitza prestatzeko katalogoa EROSI egin behar dugu (edo liburutegian kontsultatu) eta gure etxean egiten dugu lan hau musutruk.

Hau guztiagatik, Bilboko Guggenheim Museoko Patronatoaren (Solomon Guggenheim foundation+ Bizkaiko Foru Aldundia + Eusko Jaurlaritza) esku dago egoera lotsagarri honekin bukatzea, eta Bilbo eta Bizkaiko motore ekonomikoaren ‘berezkoa dna’ osatzen duen ERANTZUKIZUN SOZIALA aplikatzea.
Bilboko Guggenheim Museoko KALITATE ETA BIKAINTASUN estandarrak titanioaren barruan ere aplikatzea eskatzen dugu, aurki hezkuntza zerbitzua emateko publikatuko duten lizitazioarekin kontratatzen duten enpresa zeinahi dela ere.

Orain arte, eta museoko arduradunei bidezko eta beharrezko eskaera hau helarazi ostean, isiltasun administratiboa baino ez dugu jaso, eta ez dugu inolako konpromisorik lortu azpikontrataturik dagoen hezitzaile taldeak jasaten duen prekarietatea eta ezegonkortasunarekin amaitzeko. Pasibotasuna ez da bikaintasun kulturala lortzeko bidea, eta horregatik uztailak 28an GREBA eguna burutuko dugu konponbidea duen arazoa plazaratzeko. Guggenheim Museoa eta Patronatoaren borondatea baino ez da behar prekarietate honekin bukatzeko.

Bilboko Guggenheim Museoan azpikontratatutako hezitzaile eta orientatzaile taldea

 

 

 

AZKEN ALBISTEAK | ĂšLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.