Martxoaren 17an greba orokorra egingo dugu Hego Euskal Herrian, gutxieneko soldata hemen erabaki nahi dugula aldarrikatzeko, eta aberastasuna modu justuagoan banatu dadin exijitzeko.
Izan ere, ez da zilegi da batzuen irabaziak esponentzialki haztea geroz eta langile gehiago hilaren amaierara ez iristearen kontura.
Langileen arteko arrakalek gora egiten jarraitzen dute, eta are gehiago eragiten diete jendarteko sektore eta kolektibo jakin batzuei; horien artean, emakumeak*, gazteak, migratuak eta/edo arrazializatuak. Horregatik, greba honetan bereziki garrantzitsua da hainbat errealitateren presentzia, ikusgarritasuna eta parte hartzeko moduak bermatzea. Greba hau guztion artean eraikko dugu.
LAB sindikatuak langile guztientzako tresna izan nahi dugu. Horregatik, pertsona migratu eta/edo arrazializatuen erakundeetako ordezkariekin lan saio bat egin du, eta greba orokorrarekin bat egiteko argudiategi bat osatu du, haiekin batera eta haien errealitatetik abiatuta.
Espero dugu pertsona migratu eta/edo arrazializatuekin batera greba eraikitzeko eta sozializatzeko erabilgarria izango dela.
Argudiategia hemen deskargatu daiteke, hainbat hizkuntzatan: