2025-02-07
HomeEkintza SindikalaGreba Feminista Orokorraren harira hiru lagunek epaitegian deklaratu beharko dute bihar

Greba Feminista Orokorraren harira hiru lagunek epaitegian deklaratu beharko dute bihar

LAB sindikatuan bat egiten dugu datorren asteazkenean, ekainak 5, goizeko 9.45etan, Azpeitiko epaitegiaren aurrean Urola Kostako Koordinadora Feministak deitutako kontzentrazioarekin. Joan den azaroaren 30eko Greba Feminista Orokorra dela eta irekitako bide penalaren ondorioz deitu dituzte deklaratzera.

Gauzak horrela, delegatu, afiliatu eta lagunei dei egiten diegu mobilizazio horretan parte har dezaten, epaitegian deklaratzera deituak izan diren Zumaiako Mugimendu Feministako bi kideri eta LABkide bati elkartasuna adierazteko eta babesa emateko. Izan ere, denon erantzukizuna eta ardura da borroka kolektiboetan erasotuak diren kideei babesa eta sostengua ematea.

Neurri errepresiboen gainetik, Euskal Herria bizigarriago eta justuago baten bidean, pasa den azaroak 30eko Greba Feminista Orokorraren erdigunean egon zen zaintza-sistema publiko eta komunitarioaren aldeko gure aldarria eta konpromisoa berresteko aukera ere izango da.

AZKEN ALBISTEAK | ÚLTIMAS NOTICIAS

LABek salatu du FCCk ez duela errespetatzen Iruñeko kale-garbitzaileen asteko 48 orduko atsedena, eta errespetarazteko eskatu dio Udalari

LAB sindikatuak Iruñeko kale garbiketaren enpresa esleipenduneko langile batek jarritako epaiketa irabazi zuen iazko irailean, astean 48 orduko atsedenerako eskubidea errespetatzeko eskatuz. Zoritxarrez, epaia auzi-jartzaileari baino ez zitzaion aplikatu, eta beraz, LABek FCCri exijitzen dio behingoz errespeta dezala Langileen Estatutuak markaturiko atsedenaldi hori, eta Iruñeko Udalari eskatzen dio, zerbitzuaren titularra den heinean, errespetarazi dezala.

Eusko Jaurlaritzaren ardura da negoziazioari uko egiten dion Confebask interpelatzea

Mobilizazioaren bidetik presioa areagotzeko prest da LAB, patronala mugiarazteko.

Mobilizaziora deitu dute Nafarroako zazpi enpresa batzordek, industriaren etorkizunaren alde

Milaka langileren egoera ziurgabea da Nafarroan, hainbat enpresek euren lanpostuak jopuntuan dituztela eta. Horren aurrean erantzun bateratua ematea erabaki dute enpresa horietako langileek, eta...