2024-06-17
HomeZerbitzu PublikoakUdal eta Foru AdministrazioaEz gara enpresa batzordean hartutako akordioaren parte, Gasteizko Udaltzaingoaren gatazkaren diagnosiarekin ados...

Ez gara enpresa batzordean hartutako akordioaren parte, Gasteizko Udaltzaingoaren gatazkaren diagnosiarekin ados egon arren

Nabarmena da udaltzaingoaren plantila txikiegia dela. Bete gabe dauden lanpostuak, ordezkatzen ez diren bajak eta lan hitzarmenak araututako zenbait eskubide gozatzeko dituzten mugak, ukaezinak dira. Udaltzaingoaren plantilak dituen arazoak, berezitasunak berezitasun, orohar gainontzeko udal langileek dauzkaten arazo berberak dira: udal langileen behin-behinekotasun tasa %40a baino altuagoa da; 2006tik ez dugu lan hitzarmenik sinatu; bi urte daramatzagu udal gobernu honekin akordio bat lortu nahian… Baina Udal Gobernuak bere burua ezgauzatzat jotzen du honi irtenbidea emateko. Soilik Madrilgo Gobernuak baimentzen diena egin dezakete: estatuko aurrekontuek ezartzen duten soldata, eta larriagoa dena, plantila langile finkoekin betetzeko behar diren lanpostu guztiak deitzeko debekua.

Horren ondorioak dira bai Udaltzaingoan baita beraien aldarrikapenen aldeko mobilizazioak hastear dauden beste kolektibo batzuetan ere sortutako gatazkak. Bi urte luze daramatzagu lan hitzarmenaren alde borrokan eta konponbide orokorra bilatzeko gaitasun eza agerikoa da.

LABek sustatzen duen polizia ereduaren arabera udaltzaingoak udal plantilaren parte izan behar du, gainontzeko langileen eskubide berberekin, eta beraien iritziz egokiak diren neurri guztiak aurrera eramateko eskubidea izan behar dute. Baina gaur egungo egoeran, Estatuaren Segurtasun Indarren Legearen eta Euskal Poliziaren Legearen arabera, udaltzaingoak ez dauka grebarako eskubiderik. Honen ondorioz, aldarrikapenak lortzeko erabili ditzaketen borroka moldeak ez daude normalizatuta. LABek bultzatzen duen Udaltzaingo ereduan zerbitzu erabat zibila izan beharko luke honek, aipatutako Legeekin inongo loturarik gabe.

Honengatik guztiagatik, LABek adierazi nahi du zenbait aldarrikapenekin eta gainontzeko Langile Batzordekideek egindako diagnosiarekin ados egon arren, ez garela hartutako akordioaren parte. Presioa egiteko neurri irmoak hartzearen alde gaude, udal langilegoaren aldarrikapenekin eta herritarrekin bat eginda. Azken finean, neurri hauek Rajoy jaunaren baimenik gabe negoziazio mahaira udal plantila osa dadin ahalmena izateko beharra ekarri behar dute.

Zenbaitetan hartu behar izaten ditugun neurriek, greba kasu, herritarrengan eragozpenak sortzen dituztela jakitun gara. Baina uste dugu ez dela gauza bera gure lan-indarrari balioa emateagatik herritarrek nolabaiteko ondorioak pairatzea edo negoziazio mahaian akordioak lortzeko ezintasunagatik herritarrak jopuntuan jartzea.
 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.