2023-12-03
HomeLAB SindikatuaAreto GorriaEuskal Herriko langile mugimendua mintzagai LABen 40. urteurrenean

Euskal Herriko langile mugimendua mintzagai LABen 40. urteurrenean

Ipar Hegoa Fundazioak antolatutako «Langile mugimendua Euskal Herrian» hitzaldi zikloaren baitan, «Nuestro Mayo Rojo» liburuaren egile den Joxerra Bustillok eta LABeko idazkari nagusiak, Ainhoa Etxaidek, Euskal Herriko langile mugimenduan frankismoak izandako eragina, LAB sindikatuaren sorrera eta aurrera begirako erronkak aztertuko dituzte Iruñeako Areto Gorrian. 

Ipar Hegoaren eskutik datorren hitzaldi zikloaren bigarren zatia dugu Joxerra Bustillo eta Ainhoa Etxaidek azaroaren 26an Iruñeako Areto Gorrian burutuko dutena. Bertan, aipatu bezala, Euskal Herriko langile mugimendua izango da aztergai, kasu honetan frankismoa, LABen sorrera eta aurrera begirako erronkak. Hitzaldiari arratsaldeko 18:00etan emango zaio hasiera. Hitzaldiaren ostean, LABek 40 urte betetzen dituen honetan, sindikatuaren omenez mokau bat hartu eta topa egiteko aukera izango da. 

Azaroaren 19an «Nuestro Mayo Rojo» liburuaren egile diren Patxi Abasolo eta David Mendozak, industrializazioaren hasieratik 1936ra Euskal Herrian langile mugimenduaren ibilbidea aztertu zuten.
 

 

 

AZKEN ALBISTEAK | ĂšLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.