2024-03-29
HomeEkintza SozialaEspazio berriak artikulatu behar ditugula jakinarazi dugu Eskubide Sozialen Kartatik, gehiago izateko...

Espazio berriak artikulatu behar ditugula jakinarazi dugu Eskubide Sozialen Kartatik, gehiago izateko erronkarekin

Kontragailurra dela-eta programatutako lehen hiltzaldiak gauzatu dira dagoeneko, oso harrera onarekin. Solasaldien artean, LABeko Exekutiboko kide Edurne Larrañaga aritu da hizlari, Euskal Herriko Eskubide Sozialen Kartaren izenean. Hain zuzen ere, burujabetza eta aldaketa sozialaz aritu dira Ficobako 3. aretoan egindako hitzaldian. Bertan, Kartaren erronka berriak aurreratu ditu sindikatuko kideak: "Eremu eta espazio berriak artikulatu behar ditugu, Euskal Herritik sistema kapitalistari aurre egiteko. Asko gara, baina gehiago izan behar dugu". Hori dela eta, testuinguru politiko eta soziala aldatu dela kontutan hartuta, hauetara egokitzeko, Kartatik topaketak antolatuko ditugu abenduan, ekarpen berriak biltzeko.

Euskal Herriko Eskubide Sozialen Kartari buruzko hitzaldiaz gain, beste gai batzuk jorratu dira gaurko solasaldietan: emantzipazio bideak eta migrazio politikak, besteak beste.

G7 EZ! plataformako bozeramaile eta LABeko Ipar Euskal Herriko ordezkari Eñaut Aramendik lehen jardunaldiaren balorazio baikorra egin du: "Oztopoz oztopo ibili gara azken aste hauetan, baina azkenean kontragailurra ireki dugu ofizialki. Momentuz, jendea parte hartzen ari da eztabaida guztietan, eta ikusiko dugu ea egun hauetan alternatibak sortzen ditugun eta ahalik eta jende gehien erakartzen dugun larunbateko manifestaziora eta igandeko desobedientzia zibileko ekintzetara".
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.