Sidenorreko zuzendaritzak Enplegua Erregulatzeko Espedientea aurkezteko asmoa azaldu du, bere lantoki guztietan gauzatzeko xedearekin. LABek enpresaren jarrera salatu eta ideia hori bazter dezala eskatu du. Sindikatuak uste du negoziazio kolektiboa baldintzatzeko helburua duela mugimenduak.

Sidenorreko zuzendaritzak lantoki guztietarako Enplegua Erregulatzeko Espedientea (EEE) aurkezteko azaldutako asmoaren aurrean, LABek ondorengoa adierazten du:

Lantoki guztietarako EEEa aurkezteko erabakia baztertzen dugu, uste baitugu ez dagoela horretarako arrazoirik. Zuzendaritzak, lantoki guztietarako erabateko malgutasuna lortzea du helburu neurri honen aurkezpenarekin.

Gainera uste dugu EEE honen aurkezpenarekin zuzendaritzak hurrengo hilabeteetan garatu beharreko negoziazio kolektiboa baldintzatu nahi duela.

Beraz, EEEaren aurkezpena bertan behera uzteko eskatzen dugu, eta zuzendaritzaren etorkizuneko asmoei buruzko informazioa eta argitasun gehiago eskatzen diogu zuzendaritza berari.