LAB sindikatutik UGT Sario-ri eta Saharar herri guztiari El Aaiunen olatu errepresibo berri baten agerpenaren berri jaso dugun egun honetan, elkartasun mezu bat bidali nahi diegu, Gure informazioaren arabera, Marokoko indar okupatzaileek, istiluen kontrako poliziak eta armadak bertzeak bertze asteburu honetan Saharako hiriburua den El Aaiunen herritarren protestak gogor erreprimitu dituzte, hainbat zauritu eta atxilotu eraginez.

LAB sindikatutik bertze behin ere Sahara herriarekiko gure elkartasuna erakutsi nahi dugu, eta Saharar herriaren askatasunaren aldeko gure konpromezu internazionalistan berretsi egiten gara. Horregatik Marokoren makinaria errepresibo guztia gelditu dadila exijitzen dugu, eta behingoagatik Marokok ilegalki okupatuta duen lurretik alde egin dezala exijitu nahi dugu, Saharar herriarentzako justizia eta bakea ekarriko dituen erreferendumari bidea zabalduz.