Ostiralean zendu zen garraiolaria, Santakaran (Nafarroa). Bada, 2023an Euskal Herrian lanean hildako 19. pertsona litzateke azken hau, eta 4. garraiolaria. Behin eta berriz errepikatu izan dugu lan-istripuak lan-baldintza txarren eta prebentzio eta segurtasun-neurri faltaren ondorio direla, eta sektore honetan oso nabarmena da hori.
Goizean Iruñean egin dugu elkarretaratzea, LAB, ESK, STEILAS, EHNE, HIRU eta CGT-LKN sindikatuek deituta, eta halakorik gehiago errepika ez dadin beharrezko prebentzio neurriak ezartzeko ordua dela aldarrikatu dugu.