2024-06-17
HomeEkintza SindikalaEkimen Ibiltariaren auto karabanak agerian utzi du prekarietatea Oarsoaldean

Ekimen Ibiltariaren auto karabanak agerian utzi du prekarietatea Oarsoaldean

Ekimen Ibiltariak ez du etenik. "Lan duina, bizi duina" dinamika Oarso Bidasoa eskualdera iritsi zen asteartean, eta bertan ibili da gaur ere. Hain zuzen ere, gaur goizean oarsoaldetik kotxe karabana ekintzailea egin dugu, Oiartzungo Alcampotik abiatuta. Hala, hainbat enpresatik igaro gara. Niessen-en, Parisera euskal presoen aldeko mobilizaziora joateko deialdia zabaldu dugu; Geka-n, askatasun sindikala aldarrikatu dugu; Leroy Merlin zein Carrefourren, estatalizazioaren kontrako salaketa eraman dugu; Burger King eta Mercadonan, esplotazioa salatu dugu; eta astillerosetan lan osasunerako eskubidea aldarrikatu dugu.

Gaur arratsaldean, Pasai Antxon egokituko dugun Infogunean, hitzaldi bat egingo dugu Zumardian. “Pasaiako badian duin bizitzeko, burujabetza eta aldaketa soziala” izenburua izango du. 18:00etan hasiko da, eta LABeko Ekintza Sozialeko kide Edurne Larrañagak, Portuko LABeko kide Jose Ramon Zapirainek eta Pasaiako alkate ohi Juankarlos Alduntzik hartuko dute hitza.

Donostian, hainbat aldarrikapen
Donostiara iritsiko da bihar Ekimen Ibiltaria, eta larunbata arte geratuko da hiriburuan.

Hauxe da programa:

Azaroak 3, goizez; Ibaetako campusa:

-8,30etarako karparen montaketa Carlos Santamaria eraikinaren aurrealdea (Elhuyar Plaza, 2).
-9,00etan ekintza sindikaleko gidaren inguruko tailerra Aulategian, 2. solairuan.
-12,00etan mobilizazioa kanpusean zehar Aulategitik aterata; bukaerako ekitaldia Carlos Santa Maria eraikinaren aurrealdean unibertsitatean prekarizatutako hainbat sektoreen eskutik: garbitzaileak, ikerlariak, ikasleak, …
-Goiz osoan zehar propaganda banaketa karpa inguruan.

Azaroak 3, arratsaldez; Tabakalera:

-17,00etan karparen montaketa Tabakalera aurrean (Nestor Basterretxea Plaza).
-17,30etan kontzentrazioa Tabakalerako azpikontratetako langileekin;eskuorri banaketa beraien egoera azalduz.
-18,30etatik 20,00etara kultur emanaldia: kantautoreak, magoak, graffiteroak, … (lotzen ari gara).
-Arratsaldean zehar erakusketa Egia pasadizoan prekarietatearen panelekin.

Azaroak 4, goizez; Alde Zaharrean:

-11,00etan karparen montaketa Bulebarrean.
-11,00etatik 12,30etan kalejira Alde Zaharretik ostelaritzako hitzarmenaren alde taberna ezberdinetatik pasaz; bertsolariak, trikitia…
-13,00etan kontzentrazioa Bulebarrean ostelaritzako hitzarmenaren alde.
-Goiz osoan zehar propaganda banaketa karpa inguruan.

 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.