2023-11-28
Home8. Biltzar NagusiaBiltzar NagusiaDatozen bost urteetarako sindikatuaren lan ildoak onartu ditu LABen VIII. Biltzar Nagusiak

Datozen bost urteetarako sindikatuaren lan ildoak onartu ditu LABen VIII. Biltzar Nagusiak

Amaitzen ari da LAB sindikatuaren VIII. Biltzar Nagusiko lehen biltzar eguna, baina atzerapenak tarteko, oraindik ez da zuzendaritza berria bozkatu. Ainhoa Etxaide buru dela aurkeztu den plantxa (aurkeztutako bakarra) bozkatua izango da luze gabe eta emaitza ezagutu bezain pronto emango dugu ezagutzera.

Dagoeneko eztabaidatu, bozkatu eta finkatu direnak sindikatuaren lan ildoak dira, ponentzia politiko-sindikalari eta antolakuntza ponentziari dagozkienak alegia.

Biltzar Nagusiaren aurretiko eztabaida prozesuan 2.500 kidek baino gehiagok hartu du parte. Ponentzia biei eginiko emendakinak 230 izan dira, 140 ponentzia politiko-sindikalari eta 90 antolakuntza ponentziari. Eztabaidatuak izan direnen artean ondoko emaitza eman da:

PONENTZIA POLITIKO SINDIKALA
Ponentziaren bozketa
(osorik bozkatua, onartutako emendakinak gehituta)

BAI 431
EZ 0 EZ
ABSTENTZIOA 1

ANTOLAKUNTZA PONENTZIA
Ponentziaren bozketa
(osorik bozkatua, onartutako emendakinak gehituta)

BAI 376
EZ 1
ABSTENTZIOA 5

KUDEAKETA TXOSTENAK —azken lau urteetan sindikatuak egin duen ibilbidea azaltzen duena— jaso duen babesa ere nabarmena izan da:

BAI 447
EZ 0
ABSTENTZIOA 6

Gaurko biltzar eguna amaitzeko idazkari nagusiarekin batera, komite exekutiboa eta eskualde idazkariak hautatzea geratzen zaigu. Emaitzak ezagutu bezain pronto helaraziko dizkizuegu.

Barañainen, 2012ko ekainaren 21ean

AZKEN ALBISTEAK | ĂšLTIMAS NOTICIAS

Azken hilabetean Palestinako Gazan eta Cisjordanian Israeldar gobernuak eragin duen sarraskia salatu dute Bizkaiko suhiltzaileek

Basauriko Suhiltzaile talde batek sortu duen dinamikari esker, eta honi jarraipena emonez, Palestinako herriari elkartasuna erakutsi diote. Horretarako, aste honetan Artaza, Urioste eta Iurretako parkeetan kontzentrazioak egin dituzte. Sirenekin minutu bateko dolua eta elkartasuna islatu dute suhiltzaileek.

Iruñeko Udaleko Lan Kontratudunen Komiteak eskatu du Etxeko Laguntza Zerbitzua erabat munizipala izatea

Azaroaren 30ean, koordinadora feministak zaintza-eskubideen aldeko greba orokorrerako deia egin du. Grebaren aldarrikapen nagusiak hauexek dira: zaintza-sistema publiko komunitario bat lortzea eta zaintza-sektorearen lan baldintzak duintzea eta babestea, bizitzak erdigunean jarrita.

Artabiako Arneactive enpresako langileek lau orduko lanuztea eginen dute lan baldintzak hobetzearen alde

Artabiako (Nafarroa Garaia) Arneactive enpresako langileek bihar, asteazkena, azaroak 29, lau orduko lan-uztea eginen dute, 12:00etatik 16:00etara, KPIaren araberako soldata-igoerak eskatzeko, kategoria hobetzeko aukera errealak eskatzeko eta plantillaren iritzia kontuan har dezaten eskatzeko.