2024-02-26
HomeZerbitzu PublikoakPostaCORREOSen enplegu suntsiketaren aurkako protestak indartzen ari dira

CORREOSen enplegu suntsiketaren aurkako protestak indartzen ari dira

Bizkaiko Correoseko sindikatu guztiek (LAB, CCOO, ESK, UGT, ELA, CSI-F) deituta ekainaren 17an hasi ziren protestak, Correos Bizkaian egiten ari den enplegu suntsiketa salatzeko: 27 lanpostu desagerrarazi berri dituzte Bizkaian, eta horiei gehitu behar zaizkie aurreko urte t’erdian galdu ziren beste 11 lanpostu.

Atzo, ekainak 25, goizeko 11etan ekarretaratzea egin zuten Bilbon, Correosek dituen bulego zentralen aurrean.

Ekimen honen aurretik, goizeko 08.30etan, ordezkari sindikalek eta lanpostu galerak eragindako langileek (Correosek Casilla plazan duen banaketa gunean aritzen zirenak) lantoki sarreran bilkura egin zuten.

Ekainaren 17an egin zen langile batzarrak horrela erabakita, protesta elkarretaratzeak egingo dira asteazkenero, goizeko lehen orduan lanpostu suntsiketak eragindako zentruetan edota eguneroko posta banaketa egiteko plantila nahikorik ez duten tokietan, eta goiz erdian, Correosen Bilboko bulego nagusian.

Halaber, langile batzarrak erabaki du 2 orduko lanuztea deitzea, goizeko 10etatik 12etara, uztailaren 4ean, ostiralez. Egun berean goizeko 10.30etean elkarretaratzea egingo da Correosen zentralean.

Protesta hauekin Correoseko zuzendaritzari eskatzen zaiona da: maiatzean ordezkaritza sindikalari aurkeztutako plantilen berronartzeak errebisatzea, zuzendaritzak soberan jo dituen langileak birkokatu ditzatela dagozkien unitateetan; eta jar dezatela lan zentruetan behar adina langile Posta Zerbitzu Unibertsala eskaintzeko ezarritako betebehar legalak egunero bermatu ahal izateko.

 

 

 

AZKEN ALBISTEAK | ĂšLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.