2023-11-28
HomeZerbitzu PribatuakEuskaltegiakBilboko Ulibarri Euskaltegiko langileak kaleratzeen aurka borrokan

Bilboko Ulibarri Euskaltegiko langileak kaleratzeen aurka borrokan

Aurreko urriaren 30ean Ulibarri euskaltegiko 5 langile kaleratuak izan ziren eta aurtengo ikasturtean beste 13 langileri ez zaie kontraturik egin. Euskaltegiaren aldetik oraindik ez da egon negoziatzeko asmorik, eta horren aurrean, gaur, abenduak 5 (kontziliaketa saioa egin den egunean), langileek lanuztea eta konzentrazio zaratatsua egin dute.

LAB eta CGTren irakurketa

Ulibarri Euskaltegiak ez du negoziatzeko borondaterik

«Aurtengo ikasturte hasieran (2012/13), Ulibarri euskaltegiak, matrikulazio jaitsiera eta zerbitzu batzuen bukaeraz baliatuz, 5 langile kaleratzeko eta 13 langileei kontratua ez berriztatzeko erabakia hartu zuen. Kaleratutako langile hauetariko bat zortzi urtetan LABeko ordezkari sindikala izandakoa da eta besteak, adinez nagusienak dira eta antzinatasun handiena dutenak.

Irailetik hona, langileen ordezkariok (LAB eta CGT) enpresarekin negoziatzeko ahaleginak egin ditugu; dagoen lana guztion artean banatzeko aukera eskaini diegu baina haien aldetik ez da erantzunik jaso.

Gaur, abenduaren 5ean, kontziliazio saioa egin dugu Eusko Jaurlaritzako Lan Sailean eta Ulibarri euskaltegiko ordezkariak irmo esan digu ez daudela prest ezer negoziatzeko eta epaitegian elkar ikusiko dugula.

Hau da enpresak auzi honi eman nahi dion irtenbidea? LAB eta CGT sindikatuaren aldetik borrokan jarraituko dugu langile hauen eskubideak defendatzen eta euskalgintzaren alde jarraituko dugu, mota hauetako erasoak salatuz. Berriro eskua luzatzeko diogu enpresari negoziazioaren bitartez ataka honetatik ateratzeko, gatazka hau epaitegietatik kanpo konpon dadin.

Bilbon, 2012ko abenduak 5»

 

AZKEN ALBISTEAK | ĂšLTIMAS NOTICIAS

Azken hilabetean Palestinako Gazan eta Cisjordanian Israeldar gobernuak eragin duen sarraskia salatu dute Bizkaiko suhiltzaileek

Basauriko Suhiltzaile talde batek sortu duen dinamikari esker, eta honi jarraipena emonez, Palestinako herriari elkartasuna erakutsi diote. Horretarako, aste honetan Artaza, Urioste eta Iurretako parkeetan kontzentrazioak egin dituzte. Sirenekin minutu bateko dolua eta elkartasuna islatu dute suhiltzaileek.

Iruñeko Udaleko Lan Kontratudunen Komiteak eskatu du Etxeko Laguntza Zerbitzua erabat munizipala izatea

Azaroaren 30ean, koordinadora feministak zaintza-eskubideen aldeko greba orokorrerako deia egin du. Grebaren aldarrikapen nagusiak hauexek dira: zaintza-sistema publiko komunitario bat lortzea eta zaintza-sektorearen lan baldintzak duintzea eta babestea, bizitzak erdigunean jarrita.

Artabiako Arneactive enpresako langileek lau orduko lanuztea eginen dute lan baldintzak hobetzearen alde

Artabiako (Nafarroa Garaia) Arneactive enpresako langileek bihar, asteazkena, azaroak 29, lau orduko lan-uztea eginen dute, 12:00etatik 16:00etara, KPIaren araberako soldata-igoerak eskatzeko, kategoria hobetzeko aukera errealak eskatzeko eta plantillaren iritzia kontuan har dezaten eskatzeko.