Bilboko Udaleko Komitea osatzen duten sindikatuek, Bilboko Udalean ordezkaritza duten talde politikoei Madrilgo Gobernuak ezarri duen dekretuaren aurrean duten jarrera helarazi die gaur goizean. Murrizketen aurrean negoziazioaren aldeko apustua egin dezaten eskatu dute udaletxe aurrean egindako elkarretaratzean.

«Mobilizazioa da bide bakarra erreformei aurre egiteko»
Bilboko Udalean ordezkaritza duten talde politikoei

«Behean sinatzen dugunok, Udal honetan ordezkaritza dugun sindikatuak: ELA, LAB, SVPE, CCOO, UGT sindikatuak Madrilgo Gobernuaren burua den Raxoi jaunak ezarri duen dekretuaren aurrean zera hau azaldu nahi dugu: 

1.- Euskal langileriak ez du murgilduta gauden krisi hau sortu. 
2.- Bilboko Udalaren egoera kasuala ez da. Aurreikuspenean eta gauzak ondo egitean datza , honetan langileok zerikusirik handia dugularik, aurretik murrizketak jaso ditugulako bai soldatan bai langileon kopuruan eta horrela izanda, hiritarrei ematen den zerbitzuaren kalitatea jaitsi barik. 

Hau dela eta ESKATZEN DUGU: 

1.- Udal Autonomia babesteko egokiak diren erabakiak hartu eta kanpotik etortzen diren erasoetatik defendatzeko, antolakuntzan zein udal politika propioak kudeatzeko erabakitzen dugun modu egokia, eraginkorra erabiltzeko ditugun konpetentziak zalantzatan ipintzen direlako. 
2.- Beharrezkoak diren neurriak hartu langileen kontratazioetan, erretribuzio, baimen, lizentziak eta udal konpetentzian eskua sartzea suposatzen diren edozeinetan neutralizatzeko, neurri murritzaile hauek nahi eta nahiez Bilboko hiritarrei eskaintzen den zerbitzuaren kalitateari kalte egingo diolako, dendetan, kontsumoan… eragina edukiko duelako eta Bilboko gune metropolitar osoan eragin negatiboa izanik. 

ELA- LAB-SVP-CCOO-UGT »