2024-06-19
HomeEkintza SindikalaBilboko lantoki eta gune prekarioenetara eraman dugu "Lan duina, hiri duina, bizi...

Bilboko lantoki eta gune prekarioenetara eraman dugu “Lan duina, hiri duina, bizi duina” aldarria

Ekimen Ibiltariak prekarizazioa identifikatu du gaur bertatik bertara, Bilbon zehar egindako ibilaldiarekin. Hain zuzen ere, egunotan mapa bat banatu dugu herritarren artean, gune prekario nagusienak non dauden ezagutu ditzaten, eta gaur, salaketa horri jarraipena emateko, leku horietatik igaro gara, beti ere "Lan duina, hiri duina, bizi duina" aldarriarekin.

Goizean zehar, Bilbo prekarioaren ibilaldia egin dugu. Horretarako, Bilboko mapa prekarioa prestatu dugu, hainbat daturekin. Mapan, jaiegunak errespetatzen ez dituzten guneak, zonalde pobreenak eta lantoki prekarioen ibilbidea agertzen dira, eta horietatik igaro gara gaur.

Ibilbidearen geltokiak hauek izan dira:

1.- Osasun mentalaren zentroa: langileen lan-baldintzak hobetu, langile kopurua handitu, kontratazio berriak egin, eta banakako arretan edo lehen arretan zerbitzua indartu behar delako.

2.- Dominos pizza: Janari azkarrak zein ostalaritza eredu horrek ostalaritza tradizionalean daukan eraginagatik, eta bertako langileen egoera eta lan baldintzak oso kaskarrak direlako

3.- Carrefour supermerkatua: merkatal gune handiek merkatari txikiei egiten dien mina agerian uzteko eta TTIP/CETA tratatuak merkataritza ereduan duen eragina azalarazteko.

4.- Alhondiga: azpi-kontratazioa salatzeko. Kiroldegietako zerbitzua, garbiketa edo telemarketingeko lan baldintzen okertzea.

5.- Foru Aldundia: zerbitzuen kalitatea, azpi-kontratazioa, hitzarmen falta, lan karga handiak salatzeko. Hainbat dira hemen aurkitzen ditugun gabeziak.

6.- Abando geltokia: obra publikoaren lan baldintzak aztertzeko, eta hirigintzak AHT-k daukan eragina ikusarazteko.

7.- Udaletxea: azken geltokia. Berriro azpi-kontratazioa eta etxez etxeko laguntzan diharduten langileen egoera salatzeko.
Abenduan egingo dituzten mobilizazioen berri ere emango dugu.

Arratsaldean, Guggenheim
Guggenheim museora hurbilduko gara arratsaldean. Hain justu, 17:00etatik 18:00etara, argazki erakusketa bat egongo da,
“Titanioak ezkutatzen duen prekarietatea” leloarekin. 

Gune horretan instituzio publiko edo sasi-publikoetan ematen den gehiegikeria salatu nahi dugu, gure hiri ereduaren aldarrikapena egitea ahaztu gabe.

Bihar, berriz, azaroaren 25aren etorrerarekin, Ekimen Ibiltariak lehen lerrora eramango ditu emakumeak. Izan ere, Emakumeenganako Indarkeriaren Kontrako Nazioarteko Eguna dela eta, hitzaldi bat egingo dugu Biba kulturan.
 

 

 

AZKEN ALBISTEAK | ƚLTIMAS NOTICIAS

Aurrerapenak lortu ditugu Astigarragako etxez etxeko laguntzaren publifikazioan, lan baldintzen ekiparaziora hurbilduta

Lan-baldintzetan hainbat aurrerapen jasotzen dituen akordioa lortuta, sindikatuan ildo horretan lanean segiko dugu.

Cementos Rezolak Enplegu Erregulazioko Espediente bat martxan jarri nahi du AƱorgako lantokian, deskarbonizazioa aitzakiatzat hartuta

Gaur, ekainaren 18an, Cementos Rezola (Heilderberg Materials) enpresako zuzendaritzak bilera deitu du 56 langileri eragingo dien EEErako mahaia osatzeko, AƱorgako planta deskarbonizatzeko aitzakiapean.
00:02:18

Salatzen dugu Hezkuntza Sailak bertan behera utzi dituela martxan zeuden negoziazio mahaiak eta ez duela Akordio Laborala bete

Orain urtebteko ekainaren 1an LABek Akordio Laborala sinatu zuen INTERINOK sindikatuarekin eta Hezkuntza Sailarekin, bi aldeek akordioan jasotako edukiak mahai negoziatzaileetan depositatu eta garatu behar zirelarik.