2026-11-16
HomeZerbitzu PribatuakGasolindegiakAurreakordio Gipuzkoako gasolindegietan

Aurreakordio Gipuzkoako gasolindegietan

Gaur, apirilak 5, Gipuzkoako gasolindegietako hitzarmenaren akordioa sinatu da ELA, LAB, CCOO eta UGT sindikatuen eta AEGA patronalaren artean. Aurreakordio honek, borondatea izanez gero, inposatutako lan erreformari aurre egitea posible dela erakusten du.

LAB sindikatuak ontzat ematen du aurreakordioa, azken lan erreformaren bitartez inposatzen diren lan baldintzei aurre egiten diolako, eta horri lotuta, ultraktibitateari eta deskuelgeari lotutako puntuetan jasotako edukiak azpimarratu behar dira:

Hitzarmena langile guztiei aplikatuko zaie, eta enpresaren batek hitzarmena ez aplikatzeko asmoa izanez gero, derrigorrezko adostasunaren bitartez egin beharko lukeela jasotzen da aurreakordioan, besteak beste.

Ultraaktibitateari dagokionez, berriz, behin hitzarmenaren indarraldia bukatu eta gero, beste 2 urtez mantenduko dela hitzarmenaren aplikazioa.

Horrekin batera, nabarmentzeko beste puntu bat: aurreko hitzarmena 2009an amaitu zenez, 2010.urtetik orain arteko atzerapenak ordaindu egingo direla adostu da, eta ondorioz, Gipuzkoako Gasolindegietako langileen ez dute eros ahalmenik galduko.

Aurreakordio honek erakusten du borondatea izanez gero, inposatutako lan erreformari aurre egiteko aukerak badaudela. LABen irudiko, hori da jarraitu beharreko bidea. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Leioako Foru Egoitzako langileak grebara doaz lankide falta eta baldintzen okertzea salatzeko

Azaroaren 16an deitu dute greba; izan ere, zuzendaritzak planteatutako langile-kopurua ez da nahikoa, lan-baldintzak okertu egin dira eta zuzendaritzak ez du zentroaren benetako beharrei erantzungo dien lanpostu-zerrenda negoziatu nahi.

Mobilizazioaren indarrak mugitzera behartu du Osakidetza, baina proposamenak oraindik ez dira nahikoa

LAB, SATSE, ELA, CCOO eta UGT sindikatuok balioetsi dugu urriaren 30eko greban profesionalek emandako erantzun irmoak Mahai Sektorialean posizioak mugitzen hastera behartu duela Osakidetzako...

Nafarroako Industria Foru Lege berriak inbertitzaile pribatuak lehenesten dituela kritikatzen dugu, baina ontzat jotzen ditugu jabetza publikoa, deslokalizazioa eta lanaldiarekiko aurrerapenak

Parlamentuak atzo onartutako Industria Foru Lege berriak inbertsio pribatua erraztera bideratuta dago, pizgarri, sinplifikazio administratibo eta kanpoko inbertitzaileak erakartzera bideratutako bestelako neurrien bidez. Hala...