2023-12-03
HomeEkintza SindikalaArratia enpleguaren defentsan kalera irten zen larunbatean

Arratia enpleguaren defentsan kalera irten zen larunbatean


Lanpostuen defentsan greba mugagabean diren FCC-Alfus eta Incoesa enpresetako langileek deitutako manifestazio deialdiari jarraituz mila arratiar inguru irten ziren kalera pasadan larunbatean enpleguaren defentsan Arratia borrokan dela ozen esatera.

Manifestazioa arratsaldeko 18.30etan irten zen INCOESA enpresatik (Bedia) eta FCC ALFUS enpresan itxialdian 24 egun bete dituzten bi delegatuekin batu ostean Bediako plazan amaituko zen protesta.

Bediako plazan bi delegatuek eta bi enpresetako enpresa batzordeko bozeramaleek hartu zuten hitza. Ekitaldian Arratiako eskualde osoaren etorkizuna defendatzeko bide bakarra borroka eta mobilizazioa dela eta horretan jarraituko dutela aldarrikatu zuten.

Bediako FCC ALFUS eta INCOESA enpresetako langileek deitutako mobilizazioak eskualdeko lantegi ezberdinetako enpresa komiteen atxikimendua jaso zuen, besteak beste,  Cementos Lemona, Araluce, Hierros Sancho, Forjas Unida, Ormazabal, Manufacturas Alfe, Aliasa, CIE Tarabusi, Tecnichapa, Gea Ibérica, TMC

Horiekin batera, LAB eta ELA sindikatuen eta murrizketen aurka eta eskubide sozial eta laboralen alde diharduen ARRATIA LAN ETA BIZI! Plataformen babesa jaso zuen.

 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.