2024-03-28
HomeIndustriaMetalgintzaArcelor Mittaleko Olaberria eta Bergarako lantokietan lanuzteak egingo dituzte Zumarragoekiko elkartasunez

Arcelor Mittaleko Olaberria eta Bergarako lantokietan lanuzteak egingo dituzte Zumarragoekiko elkartasunez

Apirilaren 12an, 24 orduko greba egingo dute Arcelor Mittal Zumarragan. Egun berean, lankideekiko elkartasuna adieraziz Olaberriko eta Bergarako Arcelor Mittaleko langileek lanuzteak egingo dituzte.

Arcelor Mittal Olaberriako langileen atzoko asanbladak, Arcelor Mittal Zumarragako lankideekin elkartasunez apirilaren 12an 4 orduko geldialdia egitea erabaki zuen, 12:00etatik 16:00etara.

Era berean kotxe karabana egingo dute Zumarragako Arcelor Mittaleko enpresa-batzordeak egin duen elkarretaratzera (12:15ean Carrefourreko aparkalekutik).

Arcelor Mittal Bergarako langileek ere elkartasun-lanuztea egingo dute apirilaren 12an, 2 ordutakoa kasu honetan. Horrela erabaki zuten atzo egindako asanbladan.

Apirilaren 12an, 24 orduko greba egingo dute Arcelor Mittal Zumarragan. 13:00etatik 15:00etara kontzentrazioa egingo dute lantoki atarian, eta 18:00etatik 20:00etara, manifestazioa, Kalebarrenetik hasita.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.