Gaur, abenduak 16, bilera egin da Eusko Jaurlaritzan Arabako Eskuhartze Sozialeko sektorean, abenduaren 24a, 25a, 31a eta urtarrilaren 1erako deituta dagoen grebaren gutxieneko zerbitzuak zehazteko. Eusko Jaurlaritzaren proposamena izan da igande eta jai-egunetan lan egiten duten langile kopuru berdinarekin zehaztea gutxieneko zerbitzuak. Honek nabarmen utzi duela urtean zehar Arabako zerbitzu sozialek gutxieneko zerbitzuen mailan egiten dutela lan.
Gaur, abenduak 16, bilera egin da Eusko Jaurlaritzan Arabako Eskuhartze Sozialeko sektorean deitutako grebaren gutxieneko zerbitzuak zehazteko bilera. Greba abenduaren 24a, 25a, 31a eta urtarrilaren 1erako dago deituta.
Bilerara Arabako Foru Aldundia, Gasteizko Udala eta AISA Enpresari Elkarteko ordezkariak eta ELA, CCOO, LAB, ESK eta UGT sindikatuetakoak.
Eusko Jaurlaritzaren proposamena izan da igande eta jai-egunetan lan egiten duten langile kopuru berdinarekin zehaztea gutxieneko zerbitzuak.
Azkenean onartu egin dugu aipatu proposamena onartzen dugulako erabiltzaileek ez dutela zertan egoera hau ordaindu. Hala ere salatzen dugu honek nabarmen utzi duela urtean zehar Arabako zerbitzu sozialek gutxieneko zerbitzuen mailan egiten dutela lan, greba baten gutxieneko mailan. Honek zerbitzu bakoitzean kalitatezko artatzea bermatuko duten langileen hazkundea aldarrikatzeko egoeran jartzen gaitu.
Bestalde, modu positiboan baloratzen dugu egindako greba deialdia baliagarria izan zaigulako zerbitzua esleitzen duten administrazioak eta enpresak mahaiaren bueltan lehenengoz elkartzeko. Sindikatuok mahai gainean jarri dugu zein arazo larria den egungo profesionalak azpiko kategorietan sartzea, horrek dakarren zerbitzuaren kalitatearen kaltettzearekin. Administrazioek esan dute aztertuko dutela lanpostuen egokitzea kategoria profesionaletara. Hortaz, ez dela gai itxia eta 2016an honi konponbidea emango zaiola.
Azkenik, AISAk ez du deialdia ulertzen bere arabera enpresek hitzarmena bete egiten baitute. Guztiz faltsua da hori, ondorioz, sindikatuok deialdia egiten diogu lehen greba eguna egin baino lehen hitzarmena bete dezaten deialdia bertan behera utz dezagun.