2026-11-16
HomeZerbitzu PublikoakEusko JaurlaritzaAdministrazio Orokorreko langileek lan eskubideen murrizketak salatu dituzte

Administrazio Orokorreko langileek lan eskubideen murrizketak salatu dituzte

ELA, LAB eta UGT sindikatuek deituta Euskal Administrazio Orokorreko langileek elkarretaratzea egin dute azken 6 urteetan jasaten ari diren soldata eta bestelako lan eskubideen murrizketak eta Eusko Jaurlaritzak arlo guztietan agertzen duen negoziaziorako borondate falta salatzeko. Hiru sindikatuok Plataforma bat adostu dugu, Lakuako azken gobernuek ebatsi diguten guztia itzul diezaguten.

ELA, LAB eta UGT sindikatuen irakurketa

«Euskal Administrazio Orokorreko langileok 6 urte luze daramatzagu soldataren eta bestelako lan eskubideen murrizketak jasaten.

ELA, LAB eta UGT-k Plataforma bat adostu dugu, Lakuako azken gobernuek ebatsi diguten guztia itzul diezaguten.
Gaurko egunez burutzen ari garen konzentrazio hauen bitartez, honakoa salatu nahi dugu:

• Eusko Jaurlaritzak arlo guztietan agertzen duen negoziaziorako borondaterik eza erabatekoa.
• Gobernuan dagoen alderdiaren kontraesan ikusgarriak, politika erabat ezberdinak aplikatzen baitu erakunde batzuetan ala besteetan. Eusko Jaurlaritazko langileok, EAEko Administrazio publiko guztien arteko lan baldintzarik kaxkarrenak pairatzen ditugu. Pentsio planetarako ekarpenak etenda, gaixo egoteagatik bajan gaudela jasaten ditugun murrizketak, antzinatasunagatiko eta libre hartzeko egunak murriztuta, aldez aurreko jubilaziorako aukerak murriztuta, eta zer esanik ez, soldata jaitsi zigutenetik izoztuta, eta 2012ko aparteko soldata lapurtuta.

• Lanpostu galera agerikoa da Administrazio Orokor honetan ere, non jubilazioak probesten dituzten lanpostu asko hutsik uzteko edo ezabatzeko, zerbitzu publikoen zerbitzu egokirako duten garrantziari erreparatu gabe.
• Langileen bajak ordezkatu gabe utzita lan kargak areagotzea dakar eta zerbitzuaren kalitatea kaxkartzea. Baita lanpoltsetan ordezkapenak egiteko zain dauden pertsonei lan egiteko aukerak zapuztea ere.
• Zerbitzu publikoak Administraziotik kanpoko enpresetara bideratzean, kontrol publikoari ihes egiten dioten negozio pribatuak elikatzen dira diru publikoekin. Horrela lan baldintza kaxkarrak sustatzen dira, kalitatezko enplegua sustatu eta lan baldintza duinak bermatu ordez.

• Eusko Jaurlaritzak ez du austeritate-politikei aurre egiteko inongo borondaterik, aurtengo aurrekontuetan ere egiazta daitekeen bezala.
• Gobernu honek nahiago du langileak estutu eta estutu jarraitu, iruzur fiskalari aurre egin, fiskalitate justuago bat garatu eta diru beltzeko transakzio handiak jazarri baino

• Eusko Jaurlaritzaren Administrazio Zentraleko langileak hemen elkartu gara gaur, Gobernuari negoziazioari ekin diezaion exijitzeko lehenengo urrats gisa, eta bere garaian adostutakoa bete dezan, adostu daitezkeen bestelako baldintzez gain.»

 

 

 

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua