2024-03-28
HomeIndustriaMetalgintzaACBrentzat etorkizuna exijitu diogu Arcelor Mittali

ACBrentzat etorkizuna exijitu diogu Arcelor Mittali

Arcelor Mittaleko zuzendaritzak Sestaoko plantan ezarri nahi duen planaren aurrean zer egin erabakiko dute langileek bihar, hilak 14, egingo den Batzarrean. Bozka honen harira, ELA eta LAB sindikatuek, beraien jarrera bateratua azaldu dute publikoki eta Sestaoko lantokirako alternatiba aurkeztu dute. ELA eta LAB enpresak egindako proposamenaren aurka agertzen dira, ez duelako inolako bermerik eskaintzen, baztertzailea delako, enplegua suntsitzen duelako eta Ezkerraldeko desindustrializazioan sakontzen duelako.

LAB eta ELAren irakurketa:

Langileen asanbladan, LAB eta ELA enpresaren proposamenaren aurka agertu dira, eta adierazi dute ez diotela inolaz ere abalik emango, ehunka lanposturen suntsipena ekarriko duen eta lantoki honen etorkizun industriala bermatuko ez duen egitasmoari.

Proposamen horren bidez, gaur egun zuzenean lan egiten dutenen lanpostuen erdiak suntsituko dira, eta ACBn normalean lan egiten duten kontratetako langile guztiak baztertzen ditu. ELAk nahiz LABek, lehen egunaz geroztik, enpresak egin dezakeen planteamendu orok kontratetako langielak ere kontuan izan behar dituela aldarrikatu dugu, lehenengo egunaz geroztik gurekin batera borrokan dihardutenak.

Azken proposamenak eta aurrekoek ia ez dute ezberdintasunik, ACBko Zuzendaritzak, oraingoz behintzat, soldata murrizketei uko egiten diela izan ezik. Proposamen horretan ez da ezertxo ere bermatzen, ez bada, urrats berria egiten dela Ezkerraldea jasaten ari den etengabeko desindustrializazioan. Arcelor Mittal ez da ezertara konprometitzen ACBren jardun industriala eustearen harira, aurkakoa baizik, jarduera bi edo hiru asteburura mugatzen du hilero. Horren ondorioz, Sestaon ekoizten diren bobinak behin betikoz deslekutuko dira.

Hau guztia, Arcelor Mittalek azaldu duen jarrera guztiz arbuiagarriarekin eman da. Benetako xantaia egin die langileei, adostasuna agertu ezean, enpresa itxiko dutelako. Multinazional horrek ACBn zuzenean zein zeharka lan egiten dutenei nahiz euskal gizarteari agertzen dien erabateko mespretxuaren adierazgarri da hori. Arcelor Mittali dagokio ehunka langileren etorkizunarekiko ardura. LAB eta ELAk berresten dugu eta berriro adierazi gure borondatea etorkizuna eta lantoki honetan dagoen enplegu kalitatearen bermea jasoko duen planteamendu orokorrerako. Ia 600 familia gara, Arcelorren xantaia honekin, lantokiaren itxierari hasiera ematen zaionaren lekuko.

Gogora ekarri behar dugu enpresaren bideragarritasun plana ez dela berez errentagarria eta irauteko, enpresa ixtearekin mehatxatuz lortutako diru-publikoaz elikatu behar duela, bizkarroien antzera; erakundeek amore eman ezean, ez dago ezelango bermerik.

Ekainaren 2an, enpresa-batzorde osoak industria egitasmoa aurkeztu zuen, Arcelorrek gutxietsi egin zuena. Eusko Jaurlaritzak, Bizkaiko Foru Aldundiak eta erakunde guztiek arbuiatu dute enpresaren egitasmoa. Bi hilabete igaro dira, Arcelorrekiko lankidetza erabatekoa zela esatetik egungo jarrera ulergaitza dela esatera jendartean. Beste inbertitzaileei saltzeko aukera aintzat har dadila eskatzeraino iritsi dira.

Batzarra, botazio-erreferenduma edo dena delakoa egitea zuzendaritzaren lana egitearen parekoa da. ELA eta LABen iritziz ez dago arrazoirik borroka baztertzeko. Egitasmo hau bozkatuz enpresaren interesei ematen zaie zilegitasuna, borroka baztertu egiten da.

Arcelorrek beldurraren politika egiten du; bozkatzea haren amarruan jaustea da. LABek eta ELAk proposatzen dugu Arcelorren eta erakundeen aurrean borrokan jarraitu behar dela, kaltetutako 600 familien enplegua, Ezkerraldeko enplegua babesten.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.