2026-11-18
HomeIndustriaIndustria KimikoaNew Collagenako langileek Enpresa Itun onuragarria lortu dute

New Collagenako langileek Enpresa Itun onuragarria lortu dute

Azaroak 8, 9, 10 eta 11 zituela greba egin ondoren, enpresa akordioa adosteko negoziazioari ekin zitzaion, langileen egungo lan baldintzak hobetuko lituzkeen esparruan. LAB sindikatuak atzeratu zuen hilaren 13rako, asteazkena, eta negoziatzeko zentzuzko aldia ezar dadin, deitu zuen greba mugagabea, ortziralerako egina zegoelako 14 ordutako bertze deialdia. Astebetez negoziatzen eman ondoren, atzo arratsaldez, azkenean itxitzat eman zen aurreakordioa.

bertan behera geratzen da gaurko egunerako aurreabisatu genuen deialdia, negoziazioa, ondoren adierazi hitzetan lotu zelako:

Akordioaren indarraldia urte batekoa da (2020); %2,5eko soldata-igoera, Kimiketako Industria hitzarmenak honezkero, 2020. urterako ezartzen duen %1,5aren gainetik; urteko lanaldia 8 orduz urritu da (langileen nahieran paratuz, norberaren gauzetarako egun batean islatzen dena, eta bertze bat gehituz, langileak erabaki dezake noiz berreskura dezakeen); larunbatetan, igandetan eta jaiegunetan lan egindako gau bakoitzeko 15 €/gordinez ordainduko da gaueko lanaren plusa; bermatuko da aparteko ordainsari erdia ordainduko dela (850 €takoa, kalitateari lotu helburuen baitan handitzeko aukera izanen dela); Eguberrietako egunen erregularizazioan hobekuntza, lan eginen ez diren kontziliazioa egunak ezarriko direla, adibidez abenduaren 24a eta 31, arratsaldeko eta gaueko txandetan, eta abenduaren 25a eta urtarrilaren 1a, goizeko eta arratsaldeko txandetan (abenduaren 24a eta 31, goizeko eta gaueko txandal eta abenduaren 25ko eta urtarrilaren 1eko gauak askoz ere gehiago ordainduko dira); gainera, ituna blindatuko da, inaplikazioari eta aurreraeraginari dagokienez.

Batzar osoak aunitz onuragarria deritza erdietsi den akordioari, eta berriro frogatzen da borrokatu gabe ez dagoela saririk.

LAB harro dago langile hauek agertu duten ausardiaz; badakigu hitzarmen kolektiboen estatalizazioari aurre egiteko, neurriz gaineko lan prekaritatearen aurka borrokatzeko eta patronalei aitzin egiteko bide bakarra sindikalki borrokatzea dela, antolatuz, irmotasunez, aurre egiteko gaitasunez. Borroka horrek egiazki piztuko du eta gaitasuna emanen dio Euskal Herriko langileriari.

Eutsiko diogu lan baldintza duinen aldeko lanari, geronen gizartearen errealitatearekin bat datorrena; beti izanen gara langileriaren bidaideak.

Borroka da bide bakarra!!!

 

 

 

AZKEN ALBISTEAK | ÚLTIMAS NOTICIAS

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.