Osakidetzarentzat erresonantzia magnetikoak egiten dituen enpresak murrizketekin jarraitzen du. "Planto egiteko momentua heldu da", adierazi dugu LABetik.
Osatek-eko enpresa-batzordeak elkarretaratzea egin zuen asteartean, enpresaren egoitza nagusiaren aurrean, Bilboko Bizkaia Plazan. Osatek-ek Osakidetzarentzat erresonantzia magnetikoak egiten ditu.
LABen iritziz, Osatek-en ematen ari diren egoera ezberdinen aurrean planto egiteko momentua heldu dela uste dugu. Gai hauek, beste batzuren artean, erabaki hau hartzera bultzatzen gaituztenak:
– Osatek langileen murrizketekin jarraitzen du (besteak beste, orain Urdulizko bigarren makinako zabalkuntzarekin batera idazkari lanpostu bat suntsitu dute). Argi dago, gero eta lankide gehiago murriztu nahi dutela eta hori gelditu beharra daukagu.
– Urteak daramagu gure lan baldintzen kontrako etengabeko erasoak jasaten, eta, jadanik, egoera hau aldatzeko momentua dela uste dugu, guztion artean lan baldintza hobeagoak lortzeko asmoz.