Bi greba egun eta gero, TELEFONICA-ko azpikontrata honen enpresako langileen ordezkaritzak ostiral honetarako, urriak 25, deia luzatu die langileei berriro ere borroka egun honetan parte hartzeko, lan baldintza minimoak adosteko asmoz.
Hauxe da mobilizazio egunaren balorazioa, langileen aldetik:
Hirugarren greba jardunaldia oso positiboa izan da berriro. Enpresaren azpijoko eta trikimailuen gainetik, langileen gehiengoa kalera atera da berriro enpresak langileon beharrei erantzungo dien akordioa negoziatu dezan.
Aurreko egunetan adierazi dugun bezala, langileen aldarriak hurrengoak dira: eros ahalmena galtzeari uztea, guardiak behar bezala ordaintzea, Bizkaia eta Gipuzkoako baldintzetara berdintzea eta Gasteizko lantokian bertan ematen den diskriminazioarekin amaitzea. Honen aurrean, enpresak berriro ere eskaera hauei erantzuteko duen ezintasuna adierazten digu, baina ezkutatzen du soilik dibidenduetan 29 milioi euro banatu zituela soilik 2018 urtean. Dirua badago, baina soilik poltsiko batzuk betetzeko. Adibidez, dibidenduaz gain, Goi Zuzendaritzako kideen HILABETEAN 23.500€ jasotzen dituzte.
Pasa den astean enpresak gai hauek jorratu eta negoziatzera esertzeko zuen borondate eza salatu genuen. Gaur egun, enpresak deitu gabe jarraitzen du, eta hori dela gaurko greban parte hartu duten langileek protestaren eta mobilizazioaren tonua igotzea erabaki dute. Urte amaierarako egoera ez bada konpondu, protesta gogortuko dugu. Gainera, estatuko beste hainbat puntuetan ere borrokak piztu dira azken hilabeteetan, jendearen ezinegona dela eta.
Hurrengo egunetan zehar gurea dena berreskuratzeko beharrezkoa den dinamika definituko dugu. Enpresan hain zabaldua dagoen prekarietatea ikusita, gutxi batzuen diru goseak ezin du inola ere langileon gainetik pasa.