Elorrioko Udaleko eraikinetako garbitzaileen greba dela eta, Haurreskolak Partzuergoak udalerri honetan ematen duen hezkuntza zerbitzua, bihartik aurrera Elgetako haurreskolan ematea erabaki du, irailaren 2ko ikuskaritzako txostenean jasotakoak ez duelako bermatzen haurrak higiene eta osasun baldintza egokietan egongo direnik.
Haurreskolak Partzuergoko langileen ordezkaritzaren gehiengoa duen LAB sindikatuak, haur eta haur hezitzaileen eskubideak bermatze aldera, egoera honek sortuko dituen kalteak konpentsatzeko eskatzen du:
• Haurreskolak Partzuergoari egoera hau mantentzen den bitartean, Elorrioko haurreskolan matrikulatuta dauden haurren hezkuntza zerbitzua doakoa izatea.
• Elorrioko hezitzaileei Elgetara desplazamendua ordaintzea.
• Eta Elorrioko Udalari, familiaren batek horrela eskatzen badu, doako garraio zerbitzua jar dezala. Egoera eta gatazka hau ahalik eta azkarren konpontzea espero du LABek.