Atzo, Arcelor Mittaleko 7. estatuko esparru-akordioaren bilera egin zen, Arcelor Mittalek Espainiako estatuan dituen lantoki guztietarako lan baldintzak arautzen dituen akordioa. Azkeneko oinarrizko akordioaren negoziaketan gertatu zen moduan, zuzendaritzak eta CCOO eta UGT sindikatuek Asturiaseko arazoak soilik landuko dituen negoziazio mahai paraleloa eratu dute. Ez dugu ezagutzen zer negoziatzen duten mahaia horretan, ez dutelako azaltzen, baina badakigu zer gertatu zen azken oinarrizko akordioan: CCOO eta UGT-k, Asturiasen inbertsioak eta kontratazioa egitearen trukean, esparru-akordio merkea sinatu zioten zuzendaritzari. Egoera hortan, Euskal Herriko lantegiak babes gabe gelditzen dira, eta trukerako txanpon bilakatzen dira. Gogoratu nahi dugu, azkenengo akordio markoan Sestaoko lantokia soldata igoera gabe uztea adostu zutela.
Desberdintasun egoera honetan, LABek, berriz ere, Euskal Herriko lantokietarako negoziaketa mahai bat osatzea exijitu du Euskal Herriko lantokiak ordezkatzen dituzten sindikatuen eta zuzendaritzaren artean bertako arazoak lantzeko. Zuzendaritzak, espero genuen moduan ezezkoa eman du, eta CCOO eta UGTk ez dute ezer esan.
Tamalgarria da era berean, ELAren jarrera, Euskal Herriko langileek euren lan baldintzak bertan negoziatzea defendatubeharrean, Madrildik gure lan baldintzak prekarizatzen ari diren, eta EEEak 13 urtez luzatu dituzten CCOO eta UGT bere siglekin babestu baititu. Ez da, ez sinesgarria, ez bateragarria sindikatu hauek kritikatzea eta aldi berean beraiekin bat egitea negoziaketa kolektiboaren estatalizazioan.
Enpresak zatiketaren estrategia erabili du, eta sindikatu batzuk ontzat eman dute estrategia hau.
LABek argi dauka, estatu mailan adostutako 6 akordio marko eta gero, Euskal Herriko lanpostuen erdia baino gehiago desagertu dira, lan baldintzak prekarizatu dira eta inbertsio falta izugarria da. Ez bagara aktibatzen eragozteko, 7. oinarrizko akordioak bide beretik jarraituko du.
Horregatik, LAB izan da Euskal Herriko lantokien etorkizuna ziurtatzeko eta langileen lan eta bizi baldintzak hobetzeko mahai gainean proposamenak jarri dituen sindikatu bakarra:
1.- Negoziaketa esparru propioa Euskal Herrirako. 2.- 2009ko EEEaren amaiera.
3.- Inbertsioak Euskal Herriko lantokietan.
4.- Errelebu kontratua planta bakoitzean.
5.- Eros ahalmenaren berreskurapena, KPItik gorako soldata igoeren bidez.
6.- Azpikontratazio eta ABLEen mugapena.
7.- Kontratazio eta promozio eredua adostuko da, diskriminazio eta bidegabekeria eragotziz. Era berean, kontratazio berrien %25a emakumeak izango direla ziurtatuko da, emakumeek pairatzen duten diskriminazioa txikitzeko.
Beraz, Euskal Herriko lantokietako etorkizunaren alde aktibatzeko garaia da. Lantoki guztiek batera ekiten badugu inbertsioak, enplegua eta lan baldintzen hobekuntza lor dezakegu.
Hemen lan egin, hemen erabaki. Gaurko borroka, biharko enplegua!