Unibertsitate-ikasketak dituzten eta CAFen lan egiten duten langileek ez zuten enpresako antzinatasunari lotutako inolako plus ekonomikorik. LABek hamarkadak zeramatzan irregulartasun hori konpondu nahian. Izan ere, Gipuzkoako siderometalurgia-hitzarmenak eta CAFen hitzarmenak antzinatasun-kontzeptu hori jasotzen zuten arren, enpresako zuzendaritzak ez zion enpresan metatutako bosturteko bakoitzari zegokion zenbatekoa ordaindu nahi langile kolektibo honi.
Horregatik, 2023ko apirilean, enpresa-batzordeak, LABen ekimenez, prozesu judizial bat hasi zuen kontzeptu horren aplikazioa eskatzeko. Hainbat epai eta helegiteren ondoren, azkenean, Auzitegi Goreneko lan-arloko salak auzia ebatzi du, eta arrazoia eman dio enpresa-batzordeari. Gainera, ezin da errekurtsorik jarri azken ebazpen horren aurka, eta, beraz, amaitutzat ematen da ibilbide judiziala.
Hala, aurrerantzean, CAFek antzinatasun plusari dagozkion bosturtekoak ordaindu beharko dizkie tituludunen kolektiboko 1.500 langile baino gehiagori.