Lanpostuak duintzeko eskaera sendoarekin, ordubeteko lanuztea egin dute gaur Gipuzkoako DIA supermerkatueko langileek. Lanuztearen jarraipena handia izan da, hainbat denda ixtea lortu dute, (Donostiako hiru dendak, Ordizia, Azkoitia, Deba, Bergara eta Legazpi kasu).
Egoera jasanezina bizi dute egun, arazo estrukturala da. Hainbat bileraren ondotik 10 kontratazio berri eta MAXI dendetan diru bilketa zerbitzua jartzea lortu zen, baina dendetako egoera ez da konpondu. Jendea gaixotasun bajan dela kaleratzen ari dira (azken hilabeteetan beste bi), dendetan behar baino jende gutxiago dago, bajak ez dira ordezkatzen, eta langileak arriskuan jartzen dituzte ez dagozkien funtzioak egitera behartuta.
DIAko langileak gelditu egin dira gaur, euren eskubideetan aurrera egin ahal izateko, esplotazioarekin eta prekarietatearekin amaituz. Borrokan jarraitzen dute.