Pasa den asteko bi greba egunen ondoren, maiatzaren 30ean eta 31an egindakoak, GS-HYDROko langileek beste bi egunetako greba deitu zuten aste honetarako. Greba egun berrien iragarpenaren aurrean, enpresaren zuzendaritzak bertan behera utzi du planteatzen zuen %15eko soldata jaitsiera zeinen kontsulten aldia gaur asteartea amaitzen baitzen.
Langileen batasunak eta egindako grebek egoerari buelta ematea lortu dute, eta soldata-jaitsiera bertan behera uzteaz gain, KPIaren gaineko soldata-igoerak lortu dira aurtengo urtea eta hurrengorako. Honek arrazoia ematen dio LABi, esaten zuenean ez dagoelako soldata-jaitsiera hau justifikatzen duen arrazoirik azken urteotan irabaziak izan dituen enpresa batean.
Zuzendaritzaren zentzugabekeria eta prepotentziaren aurrean langileen erabakimena eta borroka gailendu da, uko egin baitiete euren lan-baldintzak are gehiago prekarizatzeari.