Prentsaurrekoa egin dugu Baionako Merkatuan LAB, CFDT, CGT, UNSA, FSU eta Solidaires sindikatuok aurtengo Maiatzaren Lehenean bertan egingo den manifestazioa iragartzeko. Bertan izan da Argitxu Dufau Ipar Euskal Herriko bozeramailea, izan ere, aurten LAB intersindikalarekin batera mobilizatuko gara langileen egunean, urte luzez pairatu behar izan dugun bazterketa gaindituz.
Ez da lehen aldia LAB intersindikalarekin batera mobilizatuko garena, adibidez, 2020an, covid garaian, horrela izan zen. Iaz, erretretaren erreformaren borroka zela eta Parisen intersindikal bat bazenez, LAB berriz ere baztertuak izan ginen, bai mobilizazio guztietan bai Maiatzaren Lehenean.
Bazterketa honen unerik ikusgarriena 2023ko martxoaren 28ko manifestazioan izan zen, Force OuvriĆØre sindikatuko kide bat Argitxu Dufau LABeko ordezkaria mobilizazioaren burutik bortizki botatzen saiatu zenean, oso modu zakarrean, Maite Ubiriaren bideo honetan ikus dezakegun bezala.
Force OuvriĆØre sindikatuko kide bat Argitxu Dufau .@LAB_ieh ko ordezkaria manifa burutik bortizki kentzen saiatu da. Keinu zinez itsusia. Ez du lortu. Sindikatu abertzaleko kideak hor dira. Bazterketa amaitzea exijituz. pic.twitter.com/2YCj2x0Mev
— Maite Ubiria (@Maite_Ubiria) March 28, 2023
Aurten, berriz ere intersindikalarekin mobilizatuko da LAB, baina ez da beti horrela izan, batez ere manifestazio interprofesionaletan. āBatzutan intersindikalean gara, eta beste batzuetan ezā, Argitxu Dufauk zehaztu duen moduan: āgure kasuan ez gaude automatikoki barruan, beste sindikatuak bezala, egoeraren arabera baizikā.
Maiatzaren Lehen batzutan intersindikalaren barruan onartua izan den arren, LAB baztertua izan da beste manifestaldietatik 2000. urtean Ipar Euskal Herrian hedatu zenetik.
Iazko bazterketa bortitz eta zentzugabekoaren ondoren, Dufauk nabarmendu du āberriz lortu dugula Maiatzaren Lehena intersindikalean antolatzeaā.
LABek etengabeko lana egin du bazterketa sindikala gainditu eta dagokion aitortza lortzeko. Izan ere, 2000. urtean Ipar Euskal Herrian antolatu zenetik, gero eta gehiago zabaldu da bertako lan-zentroetan, ordezkaritza etengabe handituz.
LABen bultzatu du mobilizazio bateratua ekarri duen sindkatuen arteko elkarlana, otsailetik hasita intersindikaleko sindikatu guztiak interpelatu baititu Maiatzaren Lehena elkarrekin egiteko, eta hori āgarrantzitsuaā da Dufauren esanetan. Honetan sakonduz, Dufauk zehaztu du ālan kolektiboaā egin dugula, ākartel eta trakta bateratu bat ateratzeko, adostu ditugu lelo bat eta irakurketa batā.
Santa Ursula plazatik 11:00etan abiatuko da Maiatzaren Leheneko Baionako manifestazioa eta ondotik herrixka sindikala izanen da.
