Heziketa Bereziko langileek salatzen dute euren arloko zerrenda zabaldu gabe egon dela 2015etik; eta Eusko Jaurlaritzako Hezkuntza Sailak ipintzen dituen baliabideak ez direla nahikoak ikastetxeek dituzten premiei aurre egiteko. Kontrakoa adierazi arren, Hezuntza Sailak ez ditu ordezkapenak betetzen lehenengo egunetik aurrera ondorengo sektore hauetan: heziketa berezia, garbiketa edota sukaldeetan.
Hezkuntza Sailaren Bizkaiko Lurralde Ordezkaritzak lanaldi osoko eta lanaldi erdiko langile bana ditu gure lurraldeko ordezkapen guztiak kudeatzeko. Egoera hori larriagotu egin da azken aste honetan, lau egunez egon baitira lanpostuen ordezkapenak bete gabe. Horrek itzelezko kalteak dakarzkio gure hezkuntza sistema publikoaren kalitateari.