Gaizka Sopelana errefuxiatua Gurutzetako ospitalean dago jada
35 urtez Euskal Herritik kanpo izan ostean, Gaizka Sopelana badago gure artean. Gaur bertan Gurutzetako ospitalean ingresatu egin dute, pairatzen duen gaixotasun larriaren gaineko tratamendua jasotzeko. Bertan, ehunka lagunek ongi etorri beroa eman diote, eta aldi berean, euskal preso eta errefuxiatuen eskubide guztiak bermatu behar direla aldarrikatu, baita osasun eskubidea eta gainontzeko euskal herritarrok jasotzen dugun arreta sanitarioa jasotzekoa ere.