LAB sindikatuarentzat hitzarmenaren edukiak ez du barnebiltzen plataformak jasotzen zituen aldarrikapen bat bera ere. Aldarrikapen gehienak izaera sozialekoak ziren eta Langileen Batzordeko sindikatu guztiek aurkeztuak ziren (CCOO 3, LAB 2, UGT 2, ELA 2). Gainera, ez da galdutako ezer berreskuratzen eta UPN-PSNren eskutik etorritako urteetako murrizpenak deuseztatzetik urrun Mankomunitateko arduradunek erabaki dute eskuinak hartu zuen bidetik segitzea, lanaldia handituz 10 orduz urtean, non eta ordu gehien lan egiten den Mankomunitatean. Segitzen dute ordainsari eskala bikoitza mantentzen eta ez da aintzat hartzen Madriletik inposaturiko lan erreforma deuseztatzeko neurririk.
Hitzarmena ELA eta CCOO sindikatuek eta UGTko ordezkari batek sinatu dute. LABek salatu nahi du sindikatu hauen jarrera, zeinak bermatzen baitu aurrerapausorik gabeko eta lan baldintzetan atzerapauso argia dakarren hitzarmena, eskuinak hasitako murrizpenen ildoan.
LABen ustez, indar korrelazio berriarekin aurreikusten zen eta gogo biziz espero zen aldaketa ez zaie ailegatu Jurramendiko Mankomunitateko langileei. Arduradun politikoek argi izan behar dute aldaketak eskubideen berreskurapena eta lan baldintzen hobekuntza ere ekarri behar dituela. Bestela, frustrazio eta ezinegona handitzen joanen dira langileen artean. LABek segituko dut langileen eskubideak defendatzen beti egin dugun modu berean eta Mankomunitatea gobernatzen duena gobernatzen duelarik.
Aurten aukera handia galdu dugu Jurramendiko Mankomunitatearen egoera lehengoratzeko, orain bakarrik espero eta desiratzen dugu hurrengo urtean negoziazioari ekitea guztiz ezberdinak diren parametroetatik.