LAB sindikatua komertzioak igande eta jai egunetan irekitzearen aurka dago multinazional handiek merkatari txikiak kaltetu eta langileei lan baldintza kaskarrak inposatzen baitizkie. Euskal Herrian kalitatezko merkataritza jasangarria nahi dugu, langileon lan-baldintza eta eskubideak errespetatzen dituena, kontsumo arduratsuan oinarrituz eta gutxi batzuen poltsikoak beteko ez dituena. Guzti hau aldarrikatuz, igandean, hilak 15, 11etan, LABek elkarretaratzea burutu du Bilboko Carrefour Expressen aurrean.
LAB sindikatua komertzioak igande eta jai egunetan irekitzearen aurka dago multinazional handiek merkatari txikiak kaltetu eta langileei lan baldintza kaskarrak inposatzen baitizkie. Euskal Herrian kalitatezko merkataritza jasangarria nahi dugu, langileon lan-baldintza eta eskubideak errespetatzen dituena, kontsumo arduratsuan oinarrituz eta gutxi batzuen poltsikoak beteko ez dituena. Guzti hau aldarrikatuz, igandean, hilak 15, 11etan, LABek elkarretaratzea burutu du Bilboko Carrefour Expressen aurrean.
Beste behin ere, LAB sindikatutik igande eta jai-egunetan komertzioak irekitzearen AURKA agertu nahi gara. Oraingo honetan CARREFOUR EXPRESS marka-pean jarduten duten zenbait frankiziaren posizioa salatu nahi dugularik.
Izan ere, kontsumitzailearen mesedetan daudela saltzen digute eta auzoetako "supermercados de proximidad" direla sinestarazi nahi digute, baina errealitatea oso bestelakoa da eta Carrefour-ek estrategia argia du, zer dago guzti honen atzean?
– Carrefour-ek beste marka handi batzuek bezala, auzoetako komertzio txikiak beraien frankizia egiteko estrategia erabiltzen du, beren marka zabaltzeko era ekonomikoago bat izanik eta mozkinak handitzen dituztelarik.
– Frankizia hauen bidez zentro hauetako langileekiko erantzukizuna beste batzuen gainean jartzen du, kasu askotan “merkatari txiki” bezala aurkezten zaizkigularik baina errealitatean multinazional bat ordezkatzen daudelarik.
– Ordutegien liberalizaziora jotzeko frankizia hauek bidea ireki diezaioten nahi du, bere asmoak argi utziz. Honen adibide argia da, azkenaldian Carrefour bezala egiten ari diren kontratu denetan "astelehenetik igandera"-ko jornadak dituztela sinatu-arazten dietela langileei.
– Kontratazio berriak egin eta enplegua suspertzen dutela sinestarazi nahi digute, baina igande eta jai-egunetako orduak aurretik zeuden langileekin kubritzen dituzte, langileon lan-baldintzak are gehiago prekarizatuz.
Euskal Herrian kalitatezko merkataritza jasangarria nahi dugu, langileon lan-baldintza eta eskubideak errespetatzen dituena, kontsumo arduratsuan oinarrituz eta gutxi batzuen poltsikoak beteko ez dituena. Merkataritzaren etorkizuna guztion eskuetan dago: merkatari, langile zein kontsumitzaileongan.